雅虎香港新聞 
應采兒鬧陳小春咩都唔記得 陳小春神回應：記得妳是我老婆
內地真人騷《妻子的浪漫旅行》由應采兒主持，節目中應采兒和陳小春大談夫妻之道，節目組更首次公開囝囝Jasper的睡房，隨時大過你同我屋企個廳！
撰文：K | 圖片：妻子的浪漫旅行
延伸閱讀：
【室內遊樂場】大埔遊戲館寓學習於娛樂 空中繩網、枕頭大戰、職業體驗…
（有片）《延禧攻略》爆笑NG片曝光！佘詩曼雙語讀對白，一招K.O內地演員！
應采兒鬧陳小春咩都唔記得 陳小春神回應：記得妳是我老婆
內地真人騷《妻子的浪漫旅行》在網上放出「治癒加長版 」，片段中應采兒和陳小春大談夫妻之道，被問到應采兒懷孕時脾氣是否暴躁，應采兒搶答「沒有這個問題」，但老公陳小春就有另一番看法「懷孕的時候就動手動腳呀，說什麼都是對的」，令應采兒笑著說「放屁！」這時候應采兒提及陳小春在自己懷孕時「講大話」，騙自己要開會實情是出海去，陳小春笑著回應「我在海中央開會呀。」聽到這個答案，應采兒忍不住打陳小春的頭。
應采兒更提到，當時準備半身麻醉剖腹生Jasper的時候陳小春忘記為相機叉電，最後只能夠用手機拍下生仔一刻。
節目組又問到記不記得二人首次親吻的地方，陳小春表示：「忘記了」，應采兒忍不住問：「你記得什麼？」，陳小春即深情的說「我記得？我記得我老婆是你」，好sweet！
首次公開囝囝Jasper睡房
節目片段中公開應采兒和陳小春一家的住所，片段中見到，整個大廳非常整潔，完全沒有Jasper的玩具。「我跟我兒子講，客廳是屬於大家的，不是屬於你的。你的玩具要放在自己的房間裏」
但眼見Jasper的睡房超級大間，就算Jasper玩具有幾多，也不怕沒有地方放吧！
陳小春：我老婆「八卦、八婆、又話嘮」
在最新一期《妻子的浪漫旅行》中，節目組請來四位人妻的老公到現場，睇著節目直播一齊討論自己老婆。
在介紹老婆環節時，平時妻管嚴嘅陳小春竟以「八卦、八婆、又話嘮」形容應采兒，一度嚇壞主持人陶晶瑩。
然而，沒想到他繼續補刀：「她本來就是這一種人！」老婆不在場，小春似乎完全唔怕老婆發火。
為咗令老公更好哋了解老婆，節目特意播出夫妻二人的生活片段。其中，應采兒和陳小春二人在節目中超貼地、真實的相處，笑料不斷。
節目片段中，陳小春攤喺沙發，采兒在一旁不停叫醒佢，又問佢中午食啲咩？
就喺采兒軟磨硬泡下，仲發緊夢、未瞓醒嘅陳小春選擇性忽略老婆。
應采兒提議用「溫情路線」相處 陳小春冇眼睇：「你改嫁啦！」
過咗一陣，應采兒玩意起同老公講，覺得二人的夫妻生活唔夠浪漫，一啲都「唔似偶像劇」，順勢提議二人應該嘗試另一種「溫情的」生活。
不過，老公毫不猶豫哋回答：「改嫁吧！」大笑姑婆采兒聽到擺出一副眼凸表情，不過一啲都唔嬲，反而喺旁邊大笑起來。
應采兒連環炮發問 男人最怕的問題之一「中午食咩好？」
應采兒之後繼續要求陳小春配合新的溫情相處style，又嗲聲嗲氣問「老公，等一下要吃什麼？」
陳小春道出男人心聲：「我安排嘅你都唔鍾意」
起初陳小春一副非常震驚的樣子，又話「我話吃什麼你最後都不滿意的啦」一副「懶得理你」嘅表情。
就係老婆一再追問下，話自己「今日聽你安排」、「無意見」，但深知老婆心得陳小春依然不為所動，最後實在忍唔住老婆「連環攻擊」爆出一句「食屎吧」。
應采兒模仿大S撒嬌
講完相信陳小春都有點後怕，馬上起身逃離現場去換衫，應采兒就模仿大S用台灣腔講：「老公，你去哪裡？我會怕怕」，陳小春一臉無奈哋回頭，拍門離去……
而全身都係戲嘅應采兒前一秒在大笑，下一秒老公一轉頭，立刻變臉，場面超好笑
超貼地 陳小春應采兒 第一次拍拖係去
九記牛腩搭枱食光速餐
應采兒回憶第一次同陳小春約會嘅地方，就係喺中環嘅九記牛腩，而且仲要同人搭枱，根本就傾唔到偈，最後兩個人只係食咗15分鐘就閃人，應采兒話，嗰陣以為陳小春好孤寒，但係後來至知，原來佢根本唔識搵好嘢食，佢個世界就只有茶餐廳同打邊爐！
咁陳小春就梗係自我感覺良好啦！仲話香港Style就係食呢啲！ 應采兒就話，當時其實心都涼咗半截！
采兒仲要不斷笑老公，明明唔鍾意畀人望，但係又要同人搭枱，同枱食客問想同佢影相攞簽名，就態度超衰！
再食番呢碗定情牛腩，陳小春話味道一啲都冇變！應采兒即打蛇隨棍上問：「咁我有冇變呀？」、「你有冇後悔娶我呀？」雖然陳小春答得敷衍，但係兩句簡單直接秒回：「冇！」，已經係最最肯定嘅答案。
陳小春喺節目中剖白，其實自結婚以嚟，都係由得應采兒想點就點，因為佢唔想同老婆起任何衝突，因為一有衝突，輸嘅一定係佢，所以只要老婆開心，佢就咩都冇所謂！
應采兒就慶幸佢哋嘅婚姻係可以互補不足，佢鍾意控制人，咁啱又搵到一個老公又鍾意畀人控制⋯⋯ 嗯！咁你哋真係天生一對喇！
應采兒大談情史：「對的時間遇到陳小春」
夫妻性格大不同 與小春互補
被問到與老公的關係如何，丁丁便揚言與小春性格大不同：「 我哋互補，佢唔係好講嘢、唔係咁多意見發表，同我係相反，佢靜啲、我嘈啲，佢雖然玩得，但平時係比較boring啲嘅人，我就比較hyper啲，夫妻兩個人過一世，其實係需要互補，我多嘢諗，佢唔鍾意諗嘢，我鍾意fine dining，佢鍾意食魚蛋粉，慢慢，其實日子都係咁過，有時咪fine dining，有時咪食下車仔麵囉，其實冇問題㗎！好唔同反而結婚，呢啲先係真愛。」丁丁形容在她「癲」的時候，總會有在旁的小春叫她冷靜下來。
對的時間遇上陳小春
丁丁選擇在當時結婚，原因是她厭倦了不穩定的感情。她稱：「我諗我覺得攰嘞！係時候搵一個穩定性高同唔自私嘅人。男人自私好恐怖，好簡單，孝順父母真係好緊要！你連你阿媽都唔錫，我唔覺得你會錫得我去邊囉！唔鍾意小朋友或者動物都好恐怖㗎嘛，起碼要鍾意其中一樣。」應采兒喜歡孝順仔，難怪揀曾獲得中國十大孝順獎（中國演藝界十大孝子）的小春做老公。
丁丁以往的感情皆不牽涉圈內人，她直言，喜歡有很多人幫手睇住老公，但從不擔心他的去向，就算遇上小春的前度都不會尷尬，因為沒有事比她的家人重要。對於小春結婚前的爛玩形象，她回應道：「佢自己stop嘅，佢自己唔想蒲、唔想拍散拖，唔想識啲新女仔，佢嗰個階段咁啱係咁，我咁啱嗰個timing撞到嗰時嘅陳小春，我哋識咗咁耐，講真係冇任何嘢㗎，就係因為timing。」
陳小春：我命很好才會娶到采兒
小春和采兒一向人前人後以甜蜜見稱，這次夫妻檔出席活動，當然不會錯過放閃機會。二人均穿上黑色套裝示人，合襯度大增之餘又不失時尚感。
二人於頒獎禮獲頒「年度最有態度風尚伉儷」獎，正所謂「有其父必有其子」，看到Jasper在《爸爸去哪兒》裡的時尚打扮，就知道他的爸爸媽媽也一樣是個時尚達人，得獎當然實至名歸。
陳小春在頒獎典禮接受傳媒訪問，期間突然大講愛的宣言，向大家表示：「我命很好娶到采兒，她是百分之一千的綜藝咖！」，大讚老婆性格好又幽默，甜蜜滿瀉。
延伸閱讀：
