拍親熱戲備案? Ron:睇多啲就慣

譚耀文與吳卓羲於新片打到飛起。
譚耀文與吳卓羲於新片打到飛起。

藝人吳卓羲(Ron)及譚耀文首度在電影《逃獄兄弟2》中合作,2人日前受訪大談拍戲感受,飾演反派的Ron動作連場打到飛起,他說:「最難忘係士多打鬥戲,我將張繼聰掟上天花板,仲同張建聲由朝打到晚,最後畀佢用個大煲打落個頭,好欣賞個道具煲,打落個頭好過癮,幾舒服。」至於阿譚在片中既要化老妝又要應付動作場面,拍攝一場反車戲時更不慎傷肋骨,但也死頂完成拍攝,非常專業。

雖然Ron話打得過癮,但他直言並不享受,反問:「邊個唔想拍愛情片?冇乜動作,拍得多動作片都要中和。」早前舉家捧緋聞女友菊梓喬場的他,被問到拍親熱戲是否需向另一半備案?他說:「我有諗,如果女友睇到你成日親熱會點,我覺得睇多啲就慣,拍戲就係咁,另一半可以幻想係入面嘅女主角。」

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能