拒愛16歲小鮮肉 李佳芯:唔想犯法

東方日報
·1 分鐘文章
李佳芯不介意另一半年紀小,最緊要溝通到。
李佳芯不介意另一半年紀小,最緊要溝通到。

李佳芯(Ali)、何廣沛、蕭正楠與朱智賢等,昨日在將軍澳電視城宣傳明日大結局的無綫劇《愛美麗狂想曲》,席間公布第19集錄得7天跨平台總收視26點,暫時成為今年一線劇收視之冠,Ali說:「有啲估唔到,因為myTV播咗,仲有26點都幾突破。」

何廣沛恨續姊弟戀

劇中Ali最後情歸陳豪,「輸家」何廣沛笑言提議拍外傳,跟女方再續姊弟戀。問Ali現實中可接受姊弟戀?她笑言:「冇諗過,但係去到我呢個年紀,都冇乜唔得。劇入面試過,到真實發生可能冇想像中咁恐怖。(歡迎小鮮肉追求?)睇吓幾細,16歲就唔得,我唔想犯法,哈哈。」即被何廣沛取笑:「乜你一諗就諗到犯法。」她說:「我係對感情認真,會諗埋將來。年紀唔係問題,如果搵到個18歲又溝通到,就證明我嘅思維都係18歲,哈哈。」

蕭正楠於劇中的「乸型」角色回響甚大,他說:「有啲重拾以前嘅感覺,出街、飲茶都有街坊搵我講劇。(有冇帶挈開拓同性市場?)依家搵食艱難,可以考慮,哈哈。不過最近嘅廚師節目,的確帶挈我多咗飲食工作。」

何廣沛與李佳芯開心《愛》劇收視理想。
何廣沛與李佳芯開心《愛》劇收視理想。
蕭正楠與朱智賢玩遊戲「鬥車」。
蕭正楠與朱智賢玩遊戲「鬥車」。