新劇延拍 拉長戰線 胡美貽狂操 驚打回「圓」形

胡美貽密密狂操,練得一身肌肉。
胡美貽密密狂操,練得一身肌肉。

無綫「咪神」胡美貽之前剪了超短髮,原來之後她會參與拍攝無綫以PTU為題材的劇集。由於劇本進度問題要延遲開拍,之前已開始秘密狂操、練得一身肌肉的她,坦言擔心身形反彈。而擔演該劇的陳山聰及唐詩詠表示有充足時間操練,絕對是好事!

陳山聰、吳卓羲、唐詩詠擔演的無綫PTU題材新劇原本6月底開拍,但由於劇本進度問題,將延遲拍攝,現時劇中演員正加緊操練。飾演劇中唯一女PTU的胡美貽近日亦不停操練,但坦言淆底,擔心身形隨時反彈,她受訪時說:「依家操密咗好多,劇集延期開拍我好驚會肥番,惟有再Keep住Diet同操練,不過又唔可以太戒口,因為我要增肌,要食番多啲蛋白質,做運動食得少反而會增加脂肪。依家最緊要練背脊啲線條同手背肌,等啲肌肉Firm啲。」提到為角色要剪短髮,甚大犧性,她說:「其實我都未試過咁短頭髮,不過都習慣緊,到正式開劇時就要再剷短啲。」

唐詩詠朝朝跑6K

劇中詩詠飾演高級警務人員,其他女角還有陳自瑤及何依婷,詩詠受訪時說:「我其實仲未收劇本,我嘅角色係高級警察,成日會同山聰、卓羲接觸,之前我都開始咗跑步,Trian咗一段時間。(延遲開拍有冇影響?)冇乜,愈遲體能就一定愈好啦!」

而山聰受訪時指詩詠現時拍甚麼題材的劇集都沒問題:「佢朝朝跑6K、8K,自從拍咗《超能使者》同《隱形戰隊》開始已經做好多運動,佢係好捱得!」現正拍攝《美麗戰場》的他指新作延遲開拍絕對是好事:「如果要兩套劇一齊開,我就覺都冇得瞓,依家可以專心拍咗葉念琛套劇先,又有足夠時間畀我休息同操練,兼顧兩套劇真係好辛苦。我又可以陪阿仔放暑假,都係好事嚟。」

胡美貽腿功都有番咁上下!
胡美貽腿功都有番咁上下!



我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能