旅行依賴症 你有幾嚴重？如果中晒5樣 出發前記得同旅伴講聲

去旅行唔同人有唔同習慣，不過有種人就有種唔好嘅習慣，就係習慣咗依賴。呢種依賴症嘅患者有啲只係屬於入門級，有啲就已經嚴重到病入膏肓，想知道自己依賴病去到咩程度，不妨睇下以下幾點中咗幾多樣，中1-2係輕微，3-4係中度 ，5樣代表你嘅病情已經好嚴重，出發之前記得同朋友講聲，等佢地有心理準備要照顧患者。

1. 對行程冇概念
有依賴症嘅人多數都例牌唔Plan行程，去到當地無論係去咩景點都完全唔知點去，總之一心諗住跟住個FD就得。

2. 對地圖零理解
有依賴症嘅人一定唔識睇地圖，就連Google Map都唔識，叫佢搵路不如你自己問路好過。

3. 唔拎野
依賴症病人多數都係有啲公主王子性格，就係唔拎得野，無論係行李定係戰利品，總之就會搵盡方法令自己唔使拎。

4. 極度需要同房
佢地好驚自己一個係房，唔知係怕黑怕鬼定怕咩，無論用咩方法死都要搵到個同房為至。

5 .同朋友不能分開行 佢地最怕自己一個，唔單止唔可以自己一間房，其實即個旅程除咗沖涼同去廁所時間，其他時間都要一齊， 一嚟佢哋驚蕩失路，亦都會覺得好冇安全感。