曾志偉咀米八女模 肥媽嫌獎門人錫一啖無禮貌

肥媽與張佳添擔任《中年好聲音》評審。
肥媽與張佳添擔任《中年好聲音》評審。

肥媽今日到電視城錄影《中年好聲音》,提到「獎門人」曾志偉早前咀大馬女模黎峇菈,連帶她與對方在《大丈夫》的激咀片段亦翻hit,她對此引以為傲︰「多謝志偉哥,如果唔係佢錫條女,邊有人知我錫過佢兩仔爺,仲要同一日呀!連佢老婆都未試過同一日咀佢兩仔爺呀!其實我覺得志偉暗戀我,如果唔係做咩搵我演呢個角色!」

肥媽認為生日親咀是很平凡。
肥媽認為生日親咀是很平凡。

曾志偉咀女不值一提

肥媽對曾志偉咀女模一事認為「好普通」、「不值一提」,認為是女方有意放出來做新聞,質疑有人借曾志偉過橋爭取曝光率,「如果我係佢都會咁做呢單新聞,唔係邊有人識我?」她認為生日親咀很平常,以她這個半唐番都錫兩啖,甚至三啖,指志偉只錫一下非常無禮貌。

曾志偉啜爆黎峇菈的短片在網絡瘋傳。
曾志偉啜爆黎峇菈的短片在網絡瘋傳。

原文刊登於 AM730 https://www.am730.com.hk/娛樂/曾志偉咀米八女模-肥媽嫌獎門人錫一啖無禮貌/341355?utm_source=yahoorss&utm_medium=referral