曾志偉回歸無綫做高層 「有線幫」藝人會唔會冇埞企?

·5 分鐘文章
有線幫
有線幫

曾志偉早前強勢回歸無綫做高層,委任為副總經理兼行政委員會特別顧問,負責綜藝及資訊娛樂節目。曾志偉一上場,原本掌管綜藝節目嘅余詠珊即被調職,唔少網民都非常關心一眾「有線幫」藝人會唔會受影響同會唔會冇埞企。因為佢哋唔少都備受重視,一係有劇拍一係有綜藝節目孭飛,而家就同大家睇有邊幾位現役藝人係由有線過檔去無綫啦!

黃翠如
翠如BB喺12年由有線過檔無綫後,除咗擔任唔少旅遊節目主持之外,佢仲為唔少劇集擔正做第一女主角,例如《心路GPS》、《師父·明白了》、《愛我請留言》、《我瞞結婚了》及《那些我愛過的人》等等,雖然唔少網民都認為佢演技未到家,但都無阻佢劇接劇,明顯備受余詠珊寵愛。

黃翠如
黃翠如
黃翠如
黃翠如

洪永城
洪永城(Tony)同樣係12年由有線過檔無綫,之後隨即為旅游節目《走過烽火大地》擔任主持,13年更與黃翠如憑《走過浮華大地 亞洲篇》奪得最佳節目主持,15年佢更勇奪飛躍進步男藝員獎項。除咗為綜藝節目擔任主持之外,佢亦有參與唔少劇集拍攝,例如《單戀雙城》、《張保仔》、《實習天使》、《大帥哥》及《陀槍師姐2021》等等。洪永城主持旅遊節目一向都有保證,但佢去拍劇嘅話,大部分網民就唔係好buy啦!

洪永城
洪永城
洪永城
洪永城

李佳芯
李佳芯(Ali)同樣係12年離開有線過檔無綫,一開始佢為綜藝節目《學是學非》擔任主持,憑著靚樣開始備受留意,人氣急升。14年開始接觸拍劇,但經常飾演狐狸精角色,例如《名門暗戰》Ivy及《倩女喜相逢》九尾狐等等,其他人飾演呢類角色可能好乞人憎,但Ali反而做到人見人愛。之後,佢嘅戲份越嚟越重,仲晉身無綫當家花旦之列,2018年憑《BB來了》嘅港媽唐恬兒一角榮升視后。不過前年有傳佢捲入政治風波遭內地封殺給被無綫雪藏,多套劇集都被易角。有指現時Ali已經逐漸解凍,唔知幾時可以睇到Ali嘅新劇呢?

李佳芯
李佳芯
李佳芯
李佳芯

譚凱琪
譚凱琪(Zoie)喺13年由有線轉投無綫,之後參與咗唔少劇集拍攝,例如《鬼同你OT》、《EU超時任務》《不懂撒嬌的女人》、《大帥哥》及《降魔的2.0》等等,上年憑《降魔的2.0》大反派海魔Thalassa,被網民封做「最美反派」。唔少網民都認為佢除咗樣同身型keep得好之外,演技同樣獲得讚賞。

譚凱琪
譚凱琪
譚凱琪
譚凱琪

陳貝兒
曾被喻為「有線娛樂主播一姐」嘅陳貝兒(Janis),同樣係13年由有線過檔無綫。佢有口才又夠淡定,所以一過檔即獲安排擔任主持和司儀工作。由陳貝兒做主持嘅《嫁到這世界邊端》系列,佢需要飛往唔同嘅國家探訪嫁到異地嘅人妻,節目大受好評,而佢亦人氣急升。早前佢仲透露節目將會有第4輯,不過今輯就會係探訪居港多年嘅外國人。

陳貝兒
陳貝兒
陳貝兒
陳貝兒

陸浩明

陸浩明2012年由有線過檔無綫,同樣即獲安排擔任主持和司儀工作,擔任各個大型綜藝節目司儀,好似係《萬千星輝賀台慶》同《香港小姐》等等;而佢最為人熟知嘅就係同肥媽(Maria Cordero)合作嘅《食平D系列》同之後嘅《#後生仔傾吓偈》,仲因為同肥媽合作而上埋契。

陸浩明
陸浩明
陸浩明
陸浩明

衛志豪
衛志豪(Michael)曾喺有線擔任娛樂主播兼係開台元老,喺14年過檔無綫。喺過檔初期,佢都係以主持及司儀工作為主,不過近年佢主力拍劇,雖然都係飾演配角居多,例如《雜警奇兵》、《金宵大廈》、《大醬園》及最為人所知嘅《愛·回家之開心速遞》等等。

衛志豪
衛志豪
衛志豪
衛志豪

莫家淦
前有線娛樂主播莫家淦,喺13年由有線過檔到無綫做《娛樂新聞》主持。近年佢除咗主力拍劇,仲加盟唱片公司做歌手。

莫家淦
莫家淦
莫家淦
莫家淦

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!