最驚忍唔到笑 周秀娜速食張繼聰 車震最爽

性感女神周秀娜與張繼聰合作拍電影，上演一段痛苦又快樂的愛情故事，當中少不免有親熱戲，她更笑言車中「激戰」是最舒服及最暖的親熱戲！

周秀娜昨日出席品牌活動，講到與張繼聰主演的電影《馬達˙蓮娜》成為《香港亞洲電影節2021》的開幕電影，她說：「冇諗過年頭拍完，咁快就有好消息，好開心。」她表示拍此戲既痛苦又快樂：「因為我同阿聰嘅愛情故事好濃縮，一個月內發生晒相識、信任、甜蜜，最後各自放唔低過去而無奈分開。」

她謂一開始知道對手是阿聰時，既開心又擔心：「因為佢係一個好搞笑嘅人，可以令你放鬆，但擔心自己忍唔到笑，不過佢好專業，同佢試戲同圍讀，準備咗好多。」問到可有親熱戲？她笑言：「有嘅，最舒服就係拍親熱戲，因為我哋喺最凍嘅時候拍戲，我又要着高衩旗袍、背心短裙，而我哋喺車拍親熱戲，車入面開晒暖氣，雖然我只着背心短褲，但就係最暖嘅親熱戲。」

Heidi讚AL好charm

同場有組合Super Girls成員Heidi，她表示已大半年未有出席公開活動，之前就忙於拍電影《假冒女團》，與Anson Lo合作，眾人又合唱主題曲。問到Anson Lo可符合她的擇偶條件？現時單身的她笑言：「佢好charm，鍾意跳舞叻嘅人，不過唔講咁多啦，佢有好多fans。」