本地Rapper出歌點名狂寸MIRROR惹網民激烈討論

·3 分鐘文章
《MIRROR FREESTYLE》截圖
《MIRROR FREESTYLE》截圖

男團MIRROR出道兩年多人氣一直居高不下,成功掀起香港久違嘅追星熱潮。佢哋除咗唱歌、拍劇及擔任節目主持之外,12子更頻頻出席品牌活動及拍廣告,真係接job接到冇停手。不過人紅自然多是非,除咗試過有網民於社交網站出抹黑文之外,最近就有本地Rapper Novel Friday推出新歌《MIRROR FREESTYLE》,點名狂寸MIRROR。

《MIRROR FREESTYLE》除咗歌名已經指名道姓之外,歌詞中都有唔少狂寸MIRROR嘅字句,例如「不知不覺,變成商業口臉,唔講以為呢期興返薑蓉薑臉。」、「鍾意錢銀同名利,咪冇時間練歌 」、「你本日記好狂咩? 唔講以為MUSE黎咗香港」、「今次感冒,仲未睇醫生,所以今晚呢個PITCH都仍然唱唔到啲音。」、「唔洗指名道姓,呢度鏡得一塊」」及「講緊你哋呢班商業心態 ,靠音樂擋子彈 」等等。

《MIRROR FREESTYLE》一出,網民反應兩極,更隨即成為網上引起激烈討論。有唔少網民力撐及支持Novel Friday,例如「講真心話先係rap精髓」、「講出抄襲心聲,暢快 Respect」、「終於有人講真話,所謂樂壇百花齊放係接納唔同類型嘅音樂,唔係只係吹捧所謂紅個幾個,近期係香港係咁話唔好放棄樂壇新人,但其實全部都係大話,佢地只係冇放棄近期搵錢嘅樂壇新人,最後都係為左錢。好多好嘅音樂依然係地底。」、「話人踩低mirror,但鏡粉成日踩低其他歌手,攻擊其他歌手就係為咗捧高自己偶像,呢啲就唔敢講。」、「一次diss12個咁型得唔得嫁」及「全力支持Novel Friday」等等。另外,亦有唔少鏡粉留言護航,例如「利用mirror話題擦存在感」、「我不明白為什麼這麼多人討厭MIRROR,他們也努力製作好音樂。他們也很關心別人和粉絲。請停止釋放仇恨,Thank you」、「歌名應該叫《Sorry Mirror 我只想靠你們上位》」、「都係借人過橋...」、「咪係到抽水啦」及「Eason又踩,supper moment又踩,而家Mirror又踩,個個都紅過你,除了妒忌之外真係諗唔到解釋,如果話佢地唱歌一般,仲有好多好多唱功一般嘅歌手仍然活躍樂壇,點解你又唔專登去做首歌講下?說穿了只係因為當年Eason 太紅,而家mirror當紅吧,唔紅嘅就觸碰唔到你,講左都怕外界冇反應。」等等。

MIRROR
MIRROR
MIRROR
MIRROR
MIRROR
MIRROR

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能