李泳豪新歡細心 冧掂「老爺奶奶」

東方日報
·2 分鐘文章
李泳豪讚女友Agnes溫柔細心,並以結婚為目標。
李泳豪讚女友Agnes溫柔細心,並以結婚為目標。

曾受盡情傷的李泳豪,事隔10年終走出陰霾,戀上台灣女友Agnes。性格溫柔、愛下廚的她,獲李家上下集體「畀Like」,李家鼎更揚言心急飲新抱茶!

李家鼎細仔李泳豪於2011年被楊思琦背叛,翌年雖曾跟中韓混血兒Miki有過一段情,但只是曇花一現,之後一直保持單身。望穿秋水,泳豪早前終再墮愛河,撻着來自台灣的新歡Agnes,她還懂得行奶奶政策,氹得施明十分開心,又不時於社交網為「未來老爺」李家鼎宣傳,相當識做。Agnes就連男友姪仔(哥哥李泳漢4歲囝囝Alfie)也照顧周到,難怪深得李家歡心。

父母緊張催婚

泳豪昨受訪指跟女友拍拖約個半月左右,他說:「佢屋企係做生意嘅,爸爸媽媽喺台灣住,其他嘢唔想講太多。(父母係咪好喜歡佢?)係呀,佢乜嘢都好好,愛整潔、廚藝又叻,可以同鼎爺有話題。(同你媽咪呢?)仲多嘢傾,因為佢哋見過好多次,已經係閨蜜,講女人嘅話題,有時啲話題仲唔畀我知添。」戀情才剛開始,結婚言之尚早,不過他會以此為目標,問到父母可有催婚?他說:「媽咪緊張,但爸爸仲緊張,都有催我,但呢啲嘢冇得急,慢慢了解先。」

楊思琦送祝福

李家鼎大讚Agnes是好女仔,很尊重老人家,問是否已認定是新抱仔?他謂:「唔一定,佢哋啱啱開始冇耐,不過,我有同佢食過飯,佢真係好細心!(想個仔快啲成家立室?)老人家都想啲仔快啲結婚,唔好兩頭遊。」至於舊愛楊思琦昨亦送上祝福:「祝福每一位都開心、幸福、平安!」

Agnes
Agnes