林超榮逝世︳圈中橋王跳出幕前做《頭條新聞》主持 自編自導電影《江湖悲劇》劣評如潮

人稱「超人」嘅創作人林超榮逝世今日傳出離世消息，終年61歲。「超人」嘅圈中好友沈西城同黎文卓，先後喺社交平台向外公佈佢離世嘅消息，而有報道指林超榮早前患上血癌。

林超榮1986年畢業於浸會學院中文系之後入行，資深電視創作人黎文卓係佢師父。林超榮1990年喺亞視為曾志偉及林敏驄主持嘅節目《開心主流派》負責創作兼任主持而被認識，更被升為編審。林超榮其後跳槽TVB，曾負責《香港小姐競選》、《萬千星輝賀台慶》等大型節目製作，並為電影《中環英雄》、《明月照尖東》、《漫畫奇俠》、《低俗喜劇》等擔任編劇。而林超榮亦以「超人」呢個筆名，為商台長壽廣播劇《18樓C座》撰寫劇本多時。

寫稿以外，林超榮亦擔任電台及電視節目主持，最為人認識嘅係為港台節目《頭條新聞》擔任主持，曾經負責模仿政圈娛圈人物，包括一度合作多時嘅曾志偉。

2016年首次自編自導電影《江湖悲劇》，更邀得譚詠麟、戚美珍、伍詠薇等卡士助陣，但反應麻麻，主角譚校長甚至喺報章舉辦嘅爛片選舉中獲投選為「最爛男演員」。另外林超榮曾在報章專欄提及家中小狗走失，又寫過唔再養狗屋企空間更大，更有網民指稱林背住3個女遺棄狗狗。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！