梁洛施疑與大仔李長治加拿大被網民野生捕獲 兒子已高過媽媽肩膊

梁洛施（Isabella）上月踏入35歲，於IG罕有PO出童年期間與媽媽嘅合照，同時又曬出多張朋友為佢慶生嘅照片，網民紛紛大讚三子之母嘅梁洛施於淡妝下皮膚狀態都極佳。日前，梁洛施身在加拿大被網民野生捕獲，身旁更有一名身高已過佢肩膊嘅男子同行，疑似係14歲大仔李長治。

網民PO出梁洛施與該男子嘅背面照，寫道：「居然能在Eataly見到梁洛施本人，一開始不敢確認，後來得到本人確認（普通話好棒），顧及她和家人聚餐不想打擾……anyway，她太美了」；其他網民紛紛猜測照片裡嘅男子係咪梁洛施兒子，而該名巧遇梁洛施嘅網民就直言應該係大兒子。從照片中看到，梁洛施以一身粉色上衣、黑色長褲及波鞋示人，打扮隨性，就連網民都表示梁洛施為人超級低調。

梁洛施2009年為李澤楷（Richard）誕下兒子，李嘉誠將其取名為李長治，翌年再誕下一對孖仔李長亨、李長軒，正當外界以為梁洛施會嫁入豪門之際，梁洛施2011年發表與李澤楷分手嘅聲明，表示會共同撫養孩子。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！