梁頌昕行李門事件 吳敏兒：彰顯「同行同檢」重要及必要

【星島日報報道】空姐入稟覆核「同行同檢」規例獲判勝訴，香港空勤人員總工會理事吳敏兒在庭外感謝市民支持，又表示對法庭決定在局方修例後依然繼續聆訊感到欣慰。被問及對「行李門」主角之一的前特首梁振英有甚麼話要說時，吳哈哈笑了幾聲後說：「守規則，係每一個人同樣地應該做嘅事。如果有人……覺得要畀特權某些人，我哋喺呢度提醒呢一啲人，唔好再畀特權任何人，唔應該因為權貴而踐踏我哋咁重要嘅航空安全。」 吳認為法庭以常人角度分析了「同行同檢」如何必然和重要，基本上認同工會一路以來秉持的觀點。她概括地說：「其實成件事就係講緊，任何人都唔應該要他人幫你拎一個行李入去（機場禁區），或者檢（查）咗安全嘅，無事，（航空公司職員）就可以代你拎入去。」 她又批評機管局在法庭程序展開後修例，是對整個司法覆核制度的衝擊：「如果係咁樣呢，就以後都唔會有司法覆核個囉喎！以後一有市民想做司法覆核，被覆核嘅公營機構單位或者政府部門砰砰聲又去改（法例），成個司法覆核制度就會瓦解。」 吳表示工會曾向多方查證，發現不少機場商戶及航空公司的相關部門對修例懵然不知。她批評局方只為應付官司而罔顧航空安全：「無乜人知，亦都無乜人執行。改得個規則你又唔執行，咁你就純粹為咗應付個司法覆核咁樣拗，完全係唔理性。」 吳強調相關條例被修改後，航空安全現已出現漏洞，她公開呼籲機管局及民航處要回歸理性，盡快修正錯誤規則：「如果你哋仍然覺得要拗落去，要與市民為敵、與我哋嘅安全為敵呢，各位市民就會睇得好清楚，呢個機管局與民航處，佢哋係唔係（有）作為一個民航監管機構應有嘅處事態度。」她同時呼籲民航處作為民航最高監管機構，要保持中立角色，持平地執行航空規則。 法庭記者：黃梓生

睇更多