梁麗翹扭轉負評 向KOL進發

東方日報
·1 分鐘文章
曾為減肥而節食兩星期,梁麗翹這副美好身材得來不易。
曾為減肥而節食兩星期,梁麗翹這副美好身材得來不易。

無綫主持梁麗翹(Nicole)育有一名近2歲的女兒,不過「靚媽媽」身材仍然弗到漏,向來密實的她早前更激罕地拍了一輯性感唯美照,令人眼前一亮。

Nicole產後體重直飆150多磅,成為人生「高峰」,後來一度回落至130多磅便停止了,Nicole說:「當時我要照顧小朋友又要餵人奶,忙到連瞓覺時間都冇,所以冇好刻意咁減。後來我復工做主持,身材被狠批,有網友話我生完肥到咁就唔好返工啦,睇留言睇到喊。」

甘做白老鼠

她因此決心減肥,並找到合適方法,憑戒糖及低碳飲食,6星期減掉10多磅,且一直沒反彈。而瘦身成功亦令她開創了另一個發展方向:「好多人問我點減,所以之前開咗一個網上頻道同大家分享,除咗講自己嘅經歷之外,又訪問咗唔同嘅藝人朋友,講吓大家嘅殘酷減肥法,我又會做白老鼠去試一啲新興嘅美容科技。」