梅啟明背妻出軌 老婆Joey疑返港攤牌

·2 分鐘文章
梅啟明與梅媽
梅啟明與梅媽

梅艷芳胞兄梅啟明早前入稟高等法院,指自己擁有梅艷芳商標,而電影《梅艷芳》未得其同意就使用有關商標,所以佢要求投資呢部戲嘅電影公司對佢嘅損失作出賠償。一向撐佢嘅梅媽覃美金都出嚟反對佢呢個舉動,仲向佢發出最後通牒,指如果佢繼續咁做,就會同佢斷絕母子關係。之後梅啟明再被爆出偷食事件,今次連老婆Joey都對佢忍無可忍,早排仲帶埋13歲仔仔Richard喺馬來西亞返香港揾佢攤牌,Joey更加嬲到用「躝癱」去形容梅啟明。

有傳媒就此聯絡Joey,喺被問到有冇同梅啟明見面及如何處理丈夫婚外情,Joey就以短訊文字回覆話見面係為咗小朋友,一定唔會接受甚麼第三者,仲話梅啟明同佢講當嫖妓。對於梅啟明呢個回答,Joey點會滿意,所以佢就話依家梅啟明做啲咩,佢都唔會有太大嘅特別感受,因為佢咁大個人,唔會控制到。

之後傳媒問佢有冇探望梅媽及有冇為佢出頭,Joey就話等嫲嫲休息好,遲啲會就會帶埋仔仔探望佢。Joey仲話梅啟明講梅媽非常喜歡呢位泰國籍女子,當咗佢做契女。最後Joey被問到有冇離婚嘅打算時,佢就話暫時冇嘢補充,多謝關心。

而傳媒亦有致電梅啟明查詢,被問到打算二揀一,定係享齊人之福時,梅啟明竟然回答:「你話事!」

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能