楊卓娜遭妹夫羅子溢「警告」 唔好玩咁埋

東方日報
·2 分鐘文章
楊卓娜笑言被落閘阻接近「小珍珠」。
楊卓娜笑言被落閘阻接近「小珍珠」。

楊卓娜昨日出席活動,大爆妹妹楊茜堯及妹夫羅子溢是「緊張父母」,其中妹夫更「警告」她不可以埋姨甥女「小珍珠」身,令她大感壓力!

藝人楊卓娜昨日到新城受訪,講到楊茜堯的囡囡「小珍珠」現時9個月大,問到平時可有與妹妹交流湊B心得?她指妹妹兩公婆現時在內地拍劇,更大爆妹夫十分緊張:「依家由阿媽湊『小珍珠』,我埋去都唔畀!前日去探佢哋,羅子溢即刻喺電話同我講『戴番口罩,唔好同我個女玩咁埋』,搞到我好大壓力,只可以影狗咁離遠影BB,但我都明嘅,依家疫情關係。(妹妹冇咁緊張?)兩個都有提我。」

她續指「小珍珠」目前只能在屋苑範圍活動:「每日都有曬太陽,我個女有同佢喺屋企爬吓玩吓,但覺得依家啲小朋友好慘,就算1歲都好似冇見過世界咁!」她又謂希望妹妹兩公婆可以趕及在農曆新年前回港,問到他們可有掛到個女喊?她說:「唔知呀,實有嘅,始終離開咁耐,但佢哋兩公婆可以攬埋一齊喊,哈哈。」

讚女兒夠獨立

講到在節目中分享人生體驗等,問到她怎樣設計自己的人生?她笑說:「冇計劃就係最好嘅計劃,所有嘢活在當下。」她也沒有為囡囡作特別安排:「佢嘅人生係屬於佢,我會陪伴佢成長頭嗰20年,會培育佢學唔同嘅嘢,發掘唔同興趣,但之後就交番畀佢選擇。」她指11歲的囡囡現時正值青春期,但沒有反叛,反而很獨立、思想清晰。另外,講到電台鄰近封區檢測的紅磡,她表示不太擔心:「生死有命,做好自己就得。」

羅子溢不在港,仍十分緊張B女健康。
羅子溢不在港,仍十分緊張B女健康。