楊思琦收費陪聊5分鐘盛惠1484港元被批吃相難看 網民:呢個價錢去睇Mirror啦

楊思琦
楊思琦

今年43歲嘅2001年香港小姐冠軍楊思琦,為賺錢養仔女同供樓,近年積極北上發展,佢真係咩工作都會嘗試,包括登台、拍短片、開直播及出席活動等等。佢近日仲喺抖音直播間開咗個「付費連線」服務,實行收費陪聊,真係為咗搵錢想盡辦法!

有網友喺楊思琦進行抖音直播時發現右下角多左個「付費連線」嘅連接,呢位網民話楊思琦喺直播時同在場約1,500名網民表示:「大家想和我聊天的,可以點擊下邊的付費連線」。而呢個「付費連線」需支付8,888抖幣,再加上填寫申請理由,仲要俾楊思琦選中,然後先可以同佢進行1對1嘅付費限時連線,而連線聊天最長為5分鐘。有網民就計一計8,888抖幣即係幾多錢,抖幣同人民幣兌換率為7:1,即係8,888抖幣等於1,270元人民幣,而港幣就係大約1,484元,即係同楊思琦傾5分鐘偈就要俾1,484港元。 唔少網民都認為楊思琦此舉係缺錢要狂撈金,網友留言話佢「這撈金撈得也太明顯了吧」、「憑咩?呢個價錢去睇Mirror啦」」及「吃相難看」等等,同時亦有網民認為「不想花錢的可以不連線啊,人家又沒強迫你支付」等等。

楊思琦(微博圖片)
楊思琦(微博圖片)
楊思琦(微博圖片)
楊思琦(微博圖片)
楊思琦抖音影片截圖
楊思琦抖音影片截圖
楊思琦抖音影片截圖
楊思琦抖音影片截圖
楊思琦微博影片截圖
楊思琦微博影片截圖
楊思琦抖音影片截圖
楊思琦抖音影片截圖
楊思琦
楊思琦
楊思琦
楊思琦

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能