楊思琦重提未婚生女 遭「在位者」傷害

東方日報
·1 分鐘文章
楊思琦於節目中大談陷事業低潮的經過。
楊思琦於節目中大談陷事業低潮的經過。

楊思琦當年未婚生女,受盡千夫所指!前晚她擔任網上節目嘉賓時,驚爆當年的「在位者」做了傷害她的事,不過已原諒對方!

楊思琦做節目時原本笑容滿面,但提到一位舊同學離世,即忍不住落淚說:「好突然!佢走咗之後,我就收到首《仲夏陽光》,即刻喊咗出嚟,歌詞就好似講緊我同佢,每晚瞓唔到。」之後話題一轉講前度李泳豪,她即態度迴避,對於當年未婚生女,她表示考慮得很清楚才決定獨力撫養,因很鍾意小朋友,不會因為其他因素而抹殺生存權利。

「唔可以評論我嘅決定」

現時女兒已經9歲,她回想當年誕女後,飽受外界負評,感慨說:「生完女之後,有啲唔開心,報道指摘我,好痛苦!感情冇對錯,大家唔知我發生乜事,唔可以評論我嘅決定,每個人做乜係有原因。我好彩撐得住,當年某啲人做咗傷害我嘅事!(之後有冇再見佢?)冇,但如果見到,都可以打招呼。(點解可以原諒對方?)因為嗰個人係『在位者』,當其時嘅『在位者』!」問到細仔生父的身份?她堅拒透露。

事後不少網民熱烈討論誰是「在位者」,有人猜測是無綫高層樂易玲,楊思琦昨日對此回覆:「沒有回應了。」