樂瞳飛泰國布吉度假 除咗泳衣仲真空包塊布落水玩惹網民羨慕

樂瞳
樂瞳

係咪好耐冇飛,好掛住去旅行打卡嘅日子呢?35歲嘅樂瞳(Cilla)喺2017年離開TVB,轉戰網上洋酒生意,親力親為送貨。冇飛2年幾3年嘅佢近日就放低生意,飛咗去泰國布吉度假,上載泳衣照及僅以一塊薄布包住真空就落水嘅照片到社交網站,唔少隔住熒光幕嘅網民都感受到旅行嘅氣氛呀!

樂瞳一到步就話終於可以做Spa同埋要食好味嘅嘢食:「時隔2年幾3年,數也數不清時間 終於可以做一個完滿的spa,無限的spa 這些小確幸我非常的感恩 我的to do list 是要去吃好吃的Phad Thai (因為酒店內的不好吃),香蕉Nutella 飛餅,船麵 這次旅程一點都不容易,所以特別珍惜能出走的時候,活在當下,欣賞每一道風景。大家其實真的不用太擔心,泰國全民基本上都是很守規矩室內室外都帶口罩的,當然我也是只在拍照或進食時沒帶,就希望生活能盡快回復正常,大家也可以快點旅行去行萬里路」。

之後,樂瞳連日喺泰國嘆陽光與海灘,除咗晒出多張泳衣照片之外,當中仲自爆自己僅以一塊布包住身體,就真空落水玩,喺IG Story話:「值得去打卡體驗一下,環境像叢林,有一個大的水池,還有floating tea,但是重點來了,如果你能接受真空上陣甚麼都不穿,外面只穿這薄布,而且這水療中心是男女混浴,但男士也有這樣子的布包裹全身的。」之後,佢再問網民敢唔敢試。見到佢玩得咁開心,相信令唔少網民羨慕不已。

樂瞳
樂瞳
樂瞳
樂瞳
樂瞳
樂瞳
樂瞳IG Story
樂瞳IG Story
樂瞳
樂瞳
樂瞳
樂瞳
樂瞳
樂瞳
樂瞳
樂瞳
樂瞳
樂瞳
樂瞳
樂瞳

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可換領限量新人禮,立即下載!