江嘉敏戴祖儀跑山練氣

江嘉敏為做善事,勤力練跑挑戰馬拉松。
江嘉敏為做善事,勤力練跑挑戰馬拉松。

藝人江嘉敏一個月後會為苗圃行動挑戰12小時跑山42公里活動,一直備戰的她面對人生第一個馬拉松,絕對不敢鬆懈,昨日她於社交網分享練跑照,一身貼身背心的她明顯比之前再清減不少,身材甚弗,連個樣都Sharp醒不少。她受訪時說:「因為之前唔係打風就落雨,所以呢排要再勤力啲,依家都有Keep住練跑同打波練氣,波友話我體能好咗好多,之前追波會喘氣,依家可以打完整場先抖,因為跑山同平地跑好唔同,我上網睇過,頭段跑都係斜坡,所以都緊張,自己會盡力而為。」

至於戴祖儀原來亦有去跑山路,她昨日網晒運動後的照片,見穿上貼身背心的她香汗淋漓,她留言:「以前10km是怎樣做到的,現在3km已經快不行了,雖然這3km是山路。」

戴祖儀跑完步,滴住汗都要自拍。
戴祖儀跑完步,滴住汗都要自拍。