江華麥潔文囡囡陳薔天曾被批評外貌 越大越靚近照成焦點 網民：女兒似媽媽一樣靚

唔少星二代都遺傳父母嘅優良基因，佢哋更會受到父母嘅影響而加入娛樂圈，當中包括江華及麥潔文嘅28歲細女陳薔天（天天），上年正式出道做歌手。陳薔天自細因外貌而受到批評，更被稱為醜小鴨，唔似得哥哥陳耀淙（Bryan）長得高大有型。不過近日麥潔文喺抖音上載江華與天天嘅近照，天天嘅外貌成功吸引網民關注，一致大讚佢好似媽咪一樣咁靚女。

陳薔天喺上年曾經接受訪問時自爆自細因外貌而受到批評：「江華的女兒怎麼這麼醜？我已經聽到了。我小學啊，就第一天上課，我有哭過，我有跟我爸說我很難過，我想轉學，然後我爸就特別地不知道怎麼安慰我。」近日麥潔文喺抖音上載江華與陳薔天嘅近照，兩父女喺相中面帶笑容兼頭貼頭咁溫馨合照，越大越靚嘅天天成為網民焦點，紛紛留言大讚佢好似媽咪一樣咁靚女：「女兒太像媽了」、「你女兒跟麥姐姐一個樣，一樣漂亮」、「遺傳了爸爸媽媽優點」、「女兒似媽媽一樣靚」、「女兒好美」、「女兒好漂亮，氣質超好啊，好喜歡你們一家人」、「天天好可愛」及「華哥的千金像她媽媽漂亮」等等。

現年28歲嘅陳薔天，自小就有一個歌手夢，而媽媽麥潔文亦支持囡囡入行，近年不時帶埋囡囡四出登台揾機會，不過可惜都係無人問津，所以最後就唯有自己捧返囡囡。佢媽媽麥潔文曾經係一名實力女歌手，所以陳薔天都有跟媽媽學唱歌，另外佢亦有學填詞及作曲，努力裝備自己。有指佢19歲就開始參加內地選秀節目及曾參加TVB《聲夢傳奇》初選，不過可惜未能入圍。去到上年，天天推出親自填詞嘅首隻派台歌《沉淪在你的世界觀》，正式出道做歌手。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！