沙律認戀吳保錡:我唔係第三者!

東方日報
·2 分鐘文章
沙律揚言百分百信任男友!
沙律揚言百分百信任男友!

單身多時的性感女神張沛樂(沙律),被組合ERROR成員吳保錡打爛「Dry」砵封盤,惟雙方承認戀情後,男方「正印」女友公開聲稱從未分手。熱戀變為三角戀,沙律堅稱自己清白,冇做第三者,直言對男友百分百信任。

憑33E、23、35火辣身材而成為新一代性感女神的沙律,自2019年11月跟拍拖3年多的藝人林耀聲分手後一直「守Dry」,早前更被拍得為覓得桃花而找星級塔羅師指點,直至昨日突然爆出原來她和組合ERROR成員吳保錡暗交,雙方均承認戀情,女方更說:「都係緣分啦!一齊咗唔係好耐嘅啫,都係Timing,覺得大家都好夾,思想價值觀所有嘢都符合晒大家要求。」

信男友冇劈腿

惟認愛後突然爆出沙律慘變第三者的消息,有指吳保錡本有拍拖接近2年的正印模特兒女友賴嘉賢,而她得知男方認戀沙律後,感到非常愕然,公開聲稱自己是「被分手」,說雙方從冇提過分手,並指去年10月男方更替自己慶祝生日,其後他表現冷淡,缺乏溝通多時。

吳保錡昨日回覆本報否認劈腿,稱已向舊愛交代清楚:「同前女友冇聯絡一段時間,回復單身後,我同沙律剛剛開始發展,希望大家畀多啲空間。下年我已經30歲,要認真為未來打算,所以會更努力工作,獲得更多人認同。」

無端變為第三者的沙律昨日堅稱清白:「我絕對唔係第三者,任何事佢都會坦白同我講,而我100%信佢,以我所知,佢哋已經分開咗,呢段時間佢都係同我一齊,佢哋冇再聯絡。我唔明白點解女方話2、3個月保錡對佢冷淡,女方冇搵過男方,完全冇聯絡,但又突然話感情穩定。我知道佢哋已經溝通咗,我唔想大家有任何傷害,或者去攻擊保錡。」

賴嘉賢稱「被分手」

雖然雙方聲稱交代清楚,但賴嘉賢在網上發文再提「被分手」,未有指名道姓,說在社交平台上「看到你跟其他女孩flirting(調情),朋友告訴我你對待感情好輕佻」、「兩年來的交往,竟然換不到正面的說一句分手,最低微的尊重也沒有」。不少網民對此意見不一,但大部分均認為冇溝通見面多時,並非情侶間的表現,故對男方一腳踏兩船之說存疑。

【相關搜尋】沙律張沛樂減17磅瘦身唔瘦胸