法證先鋒6｜陳熙蕊入行5年演技獲讚 靠教小朋友英文幫補收入

由TVB和優酷聯合製作嘅劇集《法證先鋒VI倖存者的救贖》正在熱播中，雖然觀眾鬧爆劇集僅著重於感情戲及嫌法醫戲太少，不過集結唔少新生代小花，所以仍然吸引唔少網民追看。陳熙蕊（Blossom）喺近日播出嘅單元個案中飾演患有情緒病嘅趙心嵐，成為焦點。

喺近日播出嘅單元個案中，趙心嵐與曾梓謙因同患抑鬱症，喺覆診而偶遇並成為好友。心嵐報案稱被上司李樹權（鄧永健飾）性侵，雖然向公司投訴，但李樹權否認及指心嵐有精神病，故意誣陷佢。為咗幫有冤無路訴嘅心嵐報仇，梓謙幫佢動殺機。心嵐得知梓謙為自己殺人後，心嵐狠下心將折磨及侮辱梓謙嘅前度女友彭倩玟（利穎怡飾）殺死。二人嘅一段真摯感人的友情，及情緒病人的悲歌，令網民睇得入神，更封佢哋做「新一代傷感CP代表」。

劇集出街後，唔少人都大讚陳熙蕊演技有進步，例如「好好戲呀」、「今晚睇左 妳演喊戲演得非常好」、「演得好好呀 要繼續加油」、「好大進步！ 加油！」、「地鐵站妳地演得好sweet...有d劉俊謙套幻愛feel」、「喜歡好感人.內心戲好好。感覺好無耐又好真實。。不容易..」、「我非常喜歡看妳的演出」及「呢個故事係唯一最好係得呢單有返以前個feel 唯一有編排有佈局.妳演得好好.殺人果埸好狼死..入哂戲..恭喜妳.遇到好角色.加油」等等。

現年30歲嘅陳熙蕊，喺2019年參選香港小姐，獲得友誼小姐後入行。加入TVB後，佢參演過唔少劇集，例如《愛·回家之開心速遞》及《七公主》等等，不過都係閒角，所以星運一路平平，近年獲公司安排北上廣州，主力做直播帶貨。佢向傳媒表示覺得最辛酸係全家人係美國紐約，得佢自己一個喺香港，所有都要自己負責，收入不足嘅時候就幫小朋友補習英文幫補一下。而佢覺得最孤獨嘅時候就係被公司派去內地做直播帶貨，因為佢係疫情嘅時候出發，當時佢喺廣州冇朋友，好彩最後成功克服。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！