波波漏波邊 游嘉欣性感拉客

波波「戰鬥格」見客戶。
波波「戰鬥格」見客戶。

無綫小花游嘉欣與黃婧靈(波波)性感出席節目巡禮活動,將一眾花旦的風頭盡搶!

游嘉欣以白色吊帶低胸裙上陣,透視出深溝之餘更大晒白滑美背。現場有不少廣告客戶,問她是否打算「吸客」時,她說:「冇諗過咁樣係性感,因為幾日前先收到通知要出席活動,臨時去借衫,有兩條裙揀,另一條仲性感,所以揀呢條,有氣質啲。(性感過啲花旦!)佢哋收埋咗啫!」問到會否接受更性感的打扮時,她說:「呢個健康性感仲接受到,今日為咗着呢條裙都冇食嘢,淨係食乳酪,怕會有肚腩。」

而向來上圍勁爆的「性女」波波則以鮮紅色晚裝Sharp爆亮相,她勁Push 36E心形胸,服飾的下胸位置更開出「鬼祟窿」,露出「蠱惑南半球」,心機程度比游嘉欣略勝一籌。至於「港姐幫」張寶兒及黃嘉雯則晒線性感示人,同樣吸睛。

游嘉欣晒事業線,自讚有氣質。
游嘉欣晒事業線,自讚有氣質。



我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能