洪永城屎橋求婚度咗3分鐘 撐翠如宣示主權窩心

·2 分鐘文章
洪永城屎橋求婚度咗3分鐘 撐翠如宣示主權窩心
洪永城屎橋求婚度咗3分鐘 撐翠如宣示主權窩心

藝人洪永城(Tony)與鄧梓峰今日(13日)出席「甲蟲傳奇車迷會」成立記者會,Tony早前宣布向拍拖2年的女友梁諾妍求婚成功,人逢喜事精神爽的他表示收到很多朋友的祝福,非常喜出望外。問到為何選擇在廁所求婚?他解釋:「因為冇人做過,個廁所位置好適合,佢一打開門就見到啲花同戒指。(女友有冇感動到喊?)我都好感動,大家拍拖2年,經歷好多。(求婚計劃度咗幾耐?)度咗3分鐘。(喺廁所度?)我知你哋想講乜,屎橋吖嘛!」他稱計劃下半年辦婚禮,已跟酒店商量關於賓客安排,因疫情關係,每個空間只能容納20人。問到家人是否在港?他說:「我媽媽喺台灣,如果叫佢返嚟有啲困難,來回隔離一個月,唔想老人家咁,我喺世界各地都有親戚,所以可能要做婚禮直播或Zoom。(媽咪有冇見過女友?)有,佢好鍾意,鍾意佢多過我。」

講到女友曾透露想生小朋友,他自言有小朋友是幸福,但現時未有,會朝這個方向努力,大家對這方面亦有共識。對於好友黃翠如在社交網發文叫他不要欺負女友,他笑言:「我喺社交網收到好多恐嚇留言,叫我要好好對佢,否則就⋯」他開玩笑指考慮要去備案,之後才說:「我會對佢好好,佢係一個好女仔,好善良同正能量。」他指現正忙於拍劇,待7月頭拍畢劇後就全力籌備婚禮,到時再正式拍攝婚照,他說:「喺社交網嗰輯相唔係正式,係為咗公布求婚成功同自己留念。」講到翠如在社交網回應Tony結婚的發文被網友指似宣示主權,他認為是網民過分解讀:「大家識咗十幾年,係好朋友先會咁講,我同女友覺得冇問題,佢咁寫好好笑同好窩心,但當然其他人有唔同角度同睇法。」

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能