消失的味道2︰釀酒廠扭計 藍帶啤酒打官司

廚師腸因為生產商停產而面臨消失危機，另一港人熟悉的味道，可能都因為官司而出現危機。   價錢夠晒貼地嘅藍帶啤酒，最近喺美國就同當地大型啤酒生產商MillerCoors打官司。

藍帶將啤酒生產工序交俾MillerCoors處理，但係根據外電報導，MillerCoors睇中藍帶嘅平價啤酒市場，打算喺2020年生產合約完結後，唔再幫藍帶生產，又或者將價格上調至＄45美金一桶，係現時嘅3倍。   藍帶每年需要MillerCoors生產400－450萬桶啤酒，於是控告對方無考慮佢地嘅營運需要，又指2015年續約時，MillerCoors關閉部份廠房，但無披露係因為唔再生產藍帶啤，亦無容許藍帶以合理價錢租用或購買有關生產設備。   對向來標榜「美國製造」嘅藍帶來講，一旦MillerCoors唔幫佢地生產，基本上就冇啤酒廠可以應付咁大嘅需求，因為美國另一大型生產商Anheuser-Busch，係唔會做呢類代工生意。   假如MillerCoors勝訴，藍帶啤酒會點面對可能發生嘅停產危機？其實藍帶有喺廣東肇慶設廠，但出品只限供應內地市場，嚟緊香港人係咪要飲內地貨？暫時都係未知之數。原文傳送門【相關搜尋】10款超好喝啤酒推薦