許瑋甯400萬鑽戒夠搶 邱澤十指緊扣嬌妻即豎起

台灣影帝邱澤同女神許瑋甯拉埋天窗後鮮有放閃，不過上月底二人低調出席台灣導演王鼎霖與女星丁巧唯婚宴，雖然做伴郎嘅邱澤滿場飛，不過佢就未有同老婆當眾煙韌。反而到咗今日（5日），有台灣媒體終於晒出二人喺婚宴當日離場時十指緊扣，邱澤仲對住陳柏霖直豎拇指，似係大晒「得米」幸福樣。

見Low Cut上陣盡晒事業線嘅許瑋甯，同邱澤都有喺場內向圈中好友敬酒，許瑋甯戴住邱澤送嘅400萬新台幣（約109萬港幣）大鑽戒，邱澤左手無名指上都戴住婚戒，非常吸睛。離開宴會廳時，小倆口邊走邊同陳柏霖等友人吹水，重點係兩人始終十指緊扣，一刻都唔願鬆手，粉絲終於都見到二人放閃，即笑指二人。

而前一晚10點幾，台媒亦影到夫妻倆行百貨公司，兩人衣衫輕便、腳踩布鞋，仲戴埋眼鏡，儘管打扮休閒都掩蓋唔到星味。手上都有新戲嘅二人，未知係咪利用難得嘅工作空檔享受晚間約會，兩人一路有講有笑，去停車場落車離開。