游泳比賽變認人大會 彭慧中素顏變晒樣 何泳芍出水芙「傭」

·3 分鐘文章
一向靚爆鏡的彭慧中素顏跌Watt,靠露事業線搶風頭。
一向靚爆鏡的彭慧中素顏跌Watt,靠露事業線搶風頭。

無綫因應「東奧」舉辦《明星運動會》,當中的游泳比賽日前舉行,一眾女藝人「真面目」較賽果更吸睛!何泳芍被指似外傭,林凱恩泳衣Look似大媽,彭慧中素顏被指幾乎認唔出!不過她們不介意被批評,認為努力比賽必定得到大家認同。

女星郭柏妍、何泳芍(Honey)、林凱恩、劉溫馨及彭慧中等,參加《明星運動會》的游泳比賽,絕對有姿勢有實際。游泳健將Honey擅長多項泳式,被旁述兼「香港女飛魚」蔡曉慧大讚其實力達專業級水平。

參賽女星放下平日濃妝打扮,幾乎清一式素顏上陣,「真面目」無所遁形!不少網民指她們齊齊跌Watt,尤其彭慧中、Honey、林凱恩及郭柏妍等慘被指「認唔出」!林凱恩的「大媽泳衣」超級出事;擁古銅色肌膚的Honey被指似「融入家中的姐姐」;彭慧中被指妝前妝後兩個樣,幸而她晒「線頭」挽回分數。

劉溫馨:呈現另一美態

對於網民抵死留言,一眾女星EQ極高,大方回應。Honey表示:「我相信觀眾會認同我哋嘅實力同努力,而唔係將注意力集中喺我哋嘅外表,如果化晒妝去游水仲唔合理啦!」劉溫馨表示:「任何人好投入咁去做一件事已經好靚,我哋大家雖然冇乜點化妝,但絕對呈現出另一方面嘅美態。」至於林凱恩說:「我怕凍,所以咪着成咁囉,其實都有晒腿㗎!無綫女藝人個個皮膚都好好,嗰日我化咗基本底妝,但游多幾次已經甩咗好多。」郭柏妍強調自己全程素顏,擔心化妝會溶眼線,加上希望專心比賽,為團隊爭光。

林凱恩克服心魔

為了今次比賽,一眾靚女要克服心理障礙及困難重重。林凱恩表示:「6年前我選港姐嗰陣,參加水運會時遇溺,今次報名嘅時候,經理人堅決反對,但我好想完成之前未完成嘅賽事。陰影一定有,不過我搵咗教練操水,成功克服。」Honey則表示:「我求學時操水10年,但已經冇操超過10年,為咗今次比賽操番2個月,點知比賽當日,我凌晨4點已經起身開工,跟住直踩去泳池應戰。以前因為身高限制,放棄咗游水,一直覺得浪費咗雙親栽培,希望今次成績令佢哋開心,所有金牌都屬於佢哋嘅。」

而郭柏妍表示:「自己讀書時經常游水,但係中學畢業後就停咗,嗰日比賽好似返番去學校水運會咁。依家疫情做少咗運動,藉住呢個比賽可以做番多啲。」

何泳芍冇化妝游水,與平時在社交網晒的靚相判若兩人。
何泳芍冇化妝游水,與平時在社交網晒的靚相判若兩人。
貴為港姐季軍的郭柏妍,卸妝後失艷光。
貴為港姐季軍的郭柏妍,卸妝後失艷光。
林凱恩不介意被笑着「大媽泳衣」。
林凱恩不介意被笑着「大媽泳衣」。
劉溫馨(中)認為專心比賽就最靚。
劉溫馨(中)認為專心比賽就最靚。



我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能