湯怡心情緊張逼老公陪產

東方日報
·1 分鐘文章
湯怡步履輕盈、四肢纖幼,笑言有信心佗到9個月仍接Job。
湯怡步履輕盈、四肢纖幼,笑言有信心佗到9個月仍接Job。

準靚媽湯怡昨日挺住7個月肚,為英皇珠寶元朗新分店擔任「明星店長」,又預先為自己挑選首份母親節禮物。安全至上,除了活動期間換上約3吋高踭鞋外,其餘時間都穿波鞋。

她透露預產期於7月,早前她上網睇生B片,搞到心情有些緊張;又指之前沒見老公麥秋成近一星期,致心情變差,並「大呻」對方忙到預產期:「佢一定要陪我入產房,我有威脅佢,如果佢唔入就後果自負!」

講到早前她於社交網站晒大肚玩瑜伽倒立相後引起網民爭議,她說:「呢個動作我喺佗B前有學過,但為免長輩擔心,最近都冇再做呢啲動作。」

湯怡拒公開BB性別,希望留到Baby Shower才揭曉。
湯怡拒公開BB性別,希望留到Baby Shower才揭曉。