湯洛雯孭半億「業」債 唔想靠馬國明

東方日報
·3 分鐘文章
湯洛雯不希望以「樓債」做嫁妝,加重馬國明負擔。
湯洛雯不希望以「樓債」做嫁妝,加重馬國明負擔。

無綫花旦湯洛雯屢被傳今年與馬國明拉埋天窗,奈何要供樓還債有壓力,故遲遲未有婚期,坦言不想以半億物業的「樓債」做嫁妝。向來是孝順女的她,自覺要肩負起顧家責任,雖然全世界讚她是「筍盤」女友,但原來有陰暗一面,就是欠缺安全感。

入行9年的湯洛雯(靚湯)事業愈戰愈勇,感情方面一樣甜蜜蜜,與男友馬國明拍拖不久已屢傳婚訊,加上她以個人名義購入價值近半億的獨立屋,被指是2人愛巢。對於這個所謂「婚訊」,她日前受訪時斷然表示短期內一定不會結婚,更沒有「8月婚期」這回事:「我哋只係拍咗幾個月拖,就當普通人咁睇,拍咗咁短時間點結婚呢?」她強調問題出在她身上,與男友無關:「我係冇安全感嘅人,需要長時間溝通先會決定人生大事,唔想咁快諗呢樣嘢,依家最冇安全感係要供樓。」

缺點多多 EQ低脾氣差

靚湯是圈中公認的孝順女,父親湯鎮宗與叔叔湯鎮業當年都是當紅小生,她透露年少時在外國讀書,給了家人很大負擔,如今有能力搵錢,希望先向父母「還債」,負起供樓責任:「我啱啱買咗樓,好大壓力!但呢個係成長過程,要承擔,我想照顧屋企人先。(屋企冇負擔?)冇負擔係一件事,但我想報恩,始終以前我喺外國讀書,用咗屋企好多錢,講真如果唔係因為我,爸爸都唔使做,可以退休啦!」雖然她買樓時選擇5年後才開始做按揭,暫時仍有輕鬆日子,不過屆時每月要花上6位數字供樓,故現時努力工作儲錢,不願將樓債加到男友身上。

圈中朋友一致讚靚湯是好女仔,但她卻自爆鮮為人知的缺點:「大把啦!我間房好亂,不過我要講清楚,我係衞生嘅,工人姐姐嘅口頭禪係『Roxanne呀!Your Room呀!』」又自認EQ「非常唔好」:「邊有女人唔發脾氣o架!特別係對住媽咪,簡直火星撞地球咁,但我一諗起同阿媽鬧交就會喊,佢係最令我情緒失控嘅人。」

殺入影壇 自覺似全智賢

前年拍畢劇集《失憶24小時》後,靚湯接連拍了《一笑渡凡間》及《金宵大廈2》兩套劇,之前更秘密拍了一部電影,擔任主線角色,但她稱感覺居然跟拍劇分別不大:「之前好渴望試吓大銀幕係點嘅呢?但其實差唔多,依家好多劇集都係電影拍法。(失望?)唔會,有得踏入大銀幕梗係開心啦!仲有得做新人喎!」而她最想做清談節目主持,講起就興奮:「好欣賞小S(徐熙娣)同蔡康永,喺英國讀書時,成日睇台灣節目《康熙來了》,每次都笑到癲!(想做小S呢種風格?)係呀!我OK o架!我絕對得o架!私底下我其實幾活躍,大起大落,好多朋友都話我性格似韓劇《來自星星的你》全智賢個角色咁,喺屋企就好浮誇,可以開心到癲,但1個鐘後又乜都唔記得,當然我好想個樣都似佢!」

馬國明
馬國明