溫碧霞畫溫和微笑老虎 被網民笑指似貓：神鳥鳳凰圖有對手了

今年係中國傳統曆法嘅虎年，溫碧霞（Irene）早前喺訪問中即席揮毫，畫老虎向大家拜年，祝大家新年快樂同虎虎生威。老虎一向俾人兇猛同霸氣嘅感覺，不過溫碧霞所畫嘅老虎就擁有粗粗嘅眼線、溫柔微笑及可愛小手，好似一隻溫和友善嘅貓主子喺屋企等緊貓奴同佢玩咁。另外，亦有人留言都Irene寫錯字，虎虎生威個「威」字少咗一劃。

喺訪問中，溫碧霞就話自己自細已經好鍾意畫畫，不過近年比較忙，所以少咗時間畫畫。被問到畫畫學咗幾耐時，Irene就話學咗一年幾，之前都有啲作品，而呢啲作品都送晒畀慈善機構做善事拍賣。

唔少網民見到Irene所畫嘅老虎後，紛紛留言笑佢嘅畫功，例如「呢次真係正宗老虎當病貓」、「橫睇掂睇都係隻貓黎」、「隻老虎畫得好核突」、「好有殺氣 喵~」、「應該係師承Johnny仔」、「神鳥鳳凰圖有對手了」、「老實講，最似鵝頸橋打小人果隻紙老虎⋯⋯ 佢應該係用家喎」、「仲衰過幼稚園畫果d」、「字又錯，畫又咁，不如藏拙，仲不失為一個靚婦人！」及「根本冇天份」等等。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！