爆花姐下令要操肌 姜濤謙稱唔夠靚仔 台灣拍劇冇女埋身

【星島日報報道】人氣男團MIRROR成員姜濤昨日出席活動吸金，自爆在台灣拍劇時冇女埋身，皆因台灣靚仔多，自己在當地根本稱不上靚仔，相當謙厚！

文：彭形影 圖：錢文坤

「人氣王」姜濤昨日出席商場活動，吸引近百「姜糖」撐場，場面熱鬧！談到由台灣返港後工作不斷，他坦言不清楚是否豬籠入水：「不知道呢！都是阿媽理財，感激疫情期間仍有工作。（隊友會否妒忌？）不會啦！MIRROR的工作量都幾好，各有各忙，就算冇工作也會自我增值，例如我也有學唱歌跳舞，生活很無趣，哈哈！」

笑指找個女朋友過聖誕便有趣，姜濤即醒目Tag新歌《愛情簽證申請》說：「沒想過，自己也沒打算遞交簽證申請，但公司沒有限制拍拖，只說自己做的事自己負責。（媽咪叫你找台灣女友。）是呀！可能因為她想移民台灣 ，哈哈！（喜歡台灣女生？）台灣人都鍾意，無分男女都很熱情，很照顧我呢！」他直言在台灣冇女埋身，皆因當地大把靚仔，自己在台灣根本稱不上靚仔，相當謙虛！

幫Stanley女友拉票

姜濤又謂有留意《全民造星III》，睇好參賽者Manson，更趁機幫隊友Stanley的女友Alina拉票，大讚二人均是身材好。他又自爆遭花姐下令明年要操好身形，向Stanley的肌肉型進發，笑問會否夠膽如隊友Ian及Anson Lo般在《男排女將》除衫騷肌？他說：「我在台灣拍劇也有除衫戲呀，但冇咁勁。（留番拍港劇再除多些？）如果有這一天會開Live通知大家，哈哈！」

■姜濤謙稱自己在台灣不算靚仔，所以冇台妹埋身。

■姜濤感激疫情期間仍有工開。

■姜濤透露冇工作時都會自我增值。

■現場有近百「姜糖」撐場，個個帶相機、名牌到場，非常熱鬧。

娛樂