王丹妮神似梅艷芳 古天樂暗角睇嚇親

·1 分鐘文章
古天樂與王丹妮在新片中合作,讚對方勤力。
古天樂與王丹妮在新片中合作,讚對方勤力。

古天樂與王丹妮(Louise)日前為電影《梅艷芳》宣傳,電影公司特邀鄭裕玲以訪談形式訪問兩人,於片中飾演著名時裝設計師劉培基的古天樂,指對方是一位一直幫助梅艷芳的良師益友:「佢陪伴梅姐(梅艷芳)成長,梅艷芳最後一場演唱會,都係搵佢完成夢想,做咗一套婚紗嫁畀舞台。」

壓力大避世狂喊

談到Louise,古天樂大讚對方很稱職:「第一眼見到佢嘅外貌,真心講句,好放心。喺拍攝嘅過程中睇到佢嘅勤力,無論形態、說話語氣都好神似。」他還憶述一次拍攝時的趣事:「我拍攝嘅主景係一幢舊樓,記得一次cut機,燈光關咗嘅時候,我行到樓梯轉角,喺昏暗燈光下見到Louise嘅身影,當場嚇咗一跳,可想而知佢到底有幾神似。」

首次接拍電影,便要演繹樂壇天后梅艷芳,Louise要承受的壓力可想而知,曾因為壓力太大而逃到泰國避世,喊足兩日才能慢慢平復。

王丹妮
王丹妮



我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能