王梓軒《鬥》出口碑 帶挈音樂人吸金

·1 分鐘文章
王梓軒與《演鬥聽》的音樂班底受訪,樂得於節目中可盡情「玩」音樂。
王梓軒與《演鬥聽》的音樂班底受訪,樂得於節目中可盡情「玩」音樂。

無綫音樂節目《演鬥聽》自開播以來口碑不俗,音樂總監兼主持王梓軒日前偕5位音樂人受訪時宣布,最後一集將於11月13日提早至晚上10時播出,屆時亦會公布「腦作金曲榜」及「腦翻金曲榜」排名,即日起觀眾可於網上投票,他笑言最後「至尊金曲獎」可能是一班新人的囊中物:「節目個底蘊係搗亂、搞笑,從來唔會過分認真。(冠軍有咩獎?)會有個贊助獎盃,但講起都好慚愧,每集頒畀MVP嗰條金腰帶係唔攞得走,但今次係可以拎走嘅!」

問到會否添食開第二季?他指首先要同班底夾時間:「佢哋好多因為呢個騷而多咗嘢做。(帶挈多咗收入?)唔好話帶挈,係大家終於見到佢哋嘅才華,其實節目嘅嘉賓都係,大家係互贏。」

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能