環團復修站拯救 2300 件家電 促生產商便利維修減浪費

家裡風扇、電飯煲等小型家庭電器壞掉，又不想丟到堆填區，會否考慮自學維修？有環保團體近年推出名為「復修號」的計劃，在社區推動維修訓練，揚言希望做到遍地開花，「每一區都有復修站」。他們亦希望推動「復修權」的概念，強調生產商有責任提供便利，令用家可以維修產品。

文字記者：李雨夢

攝影：Davies

記者走進本地慈善環保團體「綠德好」位於葵涌的辦公室，看見房間內聚滿十多個正在維修小型家電的義工師傅，也放滿正等待被維修的風扇、電飯煲、風筒、電暖爐、電磁爐等。

團體原本創立了「復修冰室」計劃為香港引入惜物的復修文化，今年項目更名為「復修號」。綠德好行政總監袁德志（Allen）表示，復修冰室概念源自荷蘭阿姆斯特丹 Repair Café，過去兩年半成功維修大約 2,300 多件小型家電，成功率約七成，以風扇及電飯煲最多，「有啲嘢係整唔到要拎去回收，可能係我哋覺得唔可以再安全地用，咁就唔會搞。」

零件昂貴停產不利復修

隨著復修文化日漸普及，復修冰室今年初更名為復修號，提供維修服務同時推動各界認識「復修權」。Allen 解釋，生產商理應讓使用者享有復修產品的權利，但現今產品設計往往難以維修，例如零件昂貴、停產，「其實喺社會或者經濟中，生產商應該有責任，例如維修保養嗰 part 要點樣做，有啲零件唔可以咁短命⋯⋯社會係需要正常嘅復修。」

目前復修號大約有 90 多名核心義工，當中約 20 個是維修師傅，正跟不同企業、團體、學校合作，除了公眾教育，亦會提供復修的訓練。Allen 說：「我哋無可能剩係喺一個地區做，要好似遍地開花咁。點樣將培訓正規化，去促進到每一區都有復修站，復修站係咪我開呢，我覺得唔重要，我亦都無能力去開 18 區，但我哋可以點樣培訓人哋同我哋一齊做呢？呢個就係嚟緊嘅工作同埋方向。」

義工邊學邊做變師傅

60 多歲的阿球退休後加入復修冰室成為義工，「邊學邊做，有好多電子零件我哋都唔係咁熟，始終係門外漢，但好多師傅都肯教。」經年累月培訓，目前阿球已獨當一面，成為核心師傅，基本上每個星期都會來維修家電，亦在維修訓練班教授及指導學員。

復修電器為阿球帶來成功感，「有信心去拆嘢，有信心裝得返佢」。他更在家裏拆開三十多年前送給兒子的音樂盒，「已經壞咗十幾年，將佢整返好，可以郁得返，之後畀咗個孫女玩，呢啲依家真係買唔返。」

今年八月，復修號舉辦了義工培訓計劃，為銀髮族提供一連六堂的維修訓練班。70 歲的學員 Eric 對維修電器感興趣，「主要係因為我鍾意拆嘢（家電），希望去學點樣維修小家電，喺課程中了解有好多人會將用得嘅嘢掉咗，好多電器遺棄咗，又唔知點處理。」完成培訓後他加入了復修義工圑隊，「學到好多嘢，其他師傅都會教你，話畀你知要點做，例如電壓、電流等等，真係要師傅講多啲先明。」

維修家電資訊

復修號會不定期舉辦公眾維修日，詳情可瀏覽

Facebook專頁：https://www.facebook.com/VesselREPAIR

服務收費為自由定價，需要事先報名登記