疫下變家務男 張學友出山拍戲「還債」

·2 分鐘文章
學友澄清有儲錢,絕對沒有財困問題!
學友澄清有儲錢,絕對沒有財困問題!

歌神張學友自爆疫情期間「轉行」成為家務達人,負責家頭細務,更學識使用家電,求生本能Level Up!他又許下永不言休的諾言,寓工作於尋找存在價值,至於破產傳聞,他強調是極大誤解!

張學友昨日舉行線上記者會,化身KOL「開箱」,介紹明日推出的《學友.經典世界巡迴演唱會》精裝CD及藍光碟,他說︰「呢個演唱會由籌備、演出到後期設計同製作,我都有份參與,反映我嘅演唱生涯,當中充滿淚水同汗水。」新碟分「台北站」及「香港站再見篇」2個版本,紀錄歷時2年3個月的233場巡迴演唱會。提到逾80名通緝犯因睇騷而落網,學友更因而被封「逃犯剋星」,對此他大笑說「記得」:「多謝啲逃犯嚟捧場,但亦都對唔住佢哋,唔好意思!」

籌備音樂劇

問是否想突破開騷場次,他直言追求紀錄是永無止境的事:「但係咪要再破呢?好話唔好聽,我都60歲,如果係咁破紀錄會好攰,今次係值得紀念嘅演唱會,留住呢個都夠。」但他強調不代表停下來,亦沒有退休論:「慣咗喺工作上搵存在價值,所以之後會繼續做,做好自己!」提到本計劃於巡演後舉行音樂劇,他承認已籌備10年,只是進展較慢,沒有擱置想法。

而貴為「歌神」的他原來亦有貼地一面,疫情期間負責家中清潔及修理,又學識使用洗衣機及洗碗機,笑問最大受益人是否太太羅美薇?他爆笑說:「我只係識啲最簡單,因為家傭返咗鄉下返唔到嚟,所以焗住自己做。」問有否愛上做家務?他即擰頭說:「係多咗份自豪感,求生本能強咗,有得益嘅!」又透露明年除了再籌備表演外,亦會「出山」拍戲還人情債。另外,被問到破產傳聞,他親口否認並大派定心丸指有儲錢習慣,沒有任何財困問題。

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能