盧瀚霆Anson Lo生日fans搞無人機匯演慶祝 網民讚︰勁過多啦A夢嗰個

MIRROR人氣成員盧瀚霆Anson Lo尋日（7月7日）生日，呢幾年「教主誕」佢嘅fan club都有大規模慶祝活動。今年除咗繼續有大量廣告牌同請市民搭天星小輪之外，fan club仲喺Anson Lo生日之夜，喺西九文化區上空舉行無人機匯演，係香港首次以藝人為主題嘅無人機演出。

尋晚嘅演出歷時12分鐘，唔少「神徒」已經一早到場霸位，入夜後仲開著教主最愛粉紅色嘅燈牌，令西九一片pink海，好壯觀。到8點半演出開始，多部無人機砌出Anson Lo、2024.7.7、盧瀚霆等字樣，仲有Anson Lo大頭剪影等。成個演出fan club更安排網上直播，並配合Anson Lo多首歌曲。唔少網民都話成個演出幾高質素，甚至認為好睇過之前以多啦A夢為主題嘅無人機匯演。

主角Anson Lo喺IG發文感謝fans為佢舉行呢場演出，而教主原來尋晚包船出海同父母及家姐喺海上觀賞無人機匯演。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！