祖傳造人秘方! 孫慧雪:完事戙高腳

東方日報
·1 分鐘文章
孫慧雪自揭閨房事,張美妮(左)聽到爆笑!
孫慧雪自揭閨房事,張美妮(左)聽到爆笑!

靚媽孫慧雪及張美妮主持網上節目,當中阿雪尷尬自揭閨房事,分享嫲嫲親授的生仔秘技:「做完唔可以落床,對腳要向上,要Keep住幾個字!一結婚阿嫲就捉住我,叮囑我一定要記得!」

此外,她重提當年長有8厘米大的子宮肌瘤,醫生曾判斷她冇得生,令她激動爆喊,恨生B的她嘗試了很多方法,當中包括打停經針,結果出現假的更年期,她笑說:「我依家明白咩叫潮熱,真係好似海潮咁,突然會覺得好熱、成塊面紅晒。有次拍緊劇講對白時潮熱,但我冇得同導演講:『我唔係緊張,係潮熱。』」她坦言打停經針後又要再打排卵針,過程艱苦,幸而最終順利得子。