立法會討論 23 條對旅業影響 楊潤雄：只會有正面影響 葉劉：外國市民唔關心

立法會經濟發展事務委員會今日（2 日）討論香港旅遊發展局本年度工作計劃，有議員提出，23 條立法後，西方國家作出不實報道，影響當地國民對香港旅遊意欲，詢問當局有何應對工作。官員回應稱，23 條立法會對香港旅遊業只會有正面影響，旅發局則聲稱，23 條推出對海外旅客訪港意欲影響「幾乎係冇嘅」。

立法會商界議員嚴剛提出，23 條法例推出來之後，美國等國家都有不少不實的報道， 影響了一些對香港有旅遊意欲的旅客。他詢問：「局方針對呢方面會做咩嘢應對嘅工作， 去推介香港 23 條（立法）之後，去展示香港積極嘅變化。呢啲積極嘅變化會為海外嘅遊客帶來更多安全穩定舒適而且美好嘅旅遊體驗。」

「旅客睇咗之後會幫我哋宣傳」

文化體育及旅遊局局長楊潤雄回應說，23 條立法是為了保障國家的安全，這件事只會令城市 、國家更加安全，亦都讓香港可以更加根據法例去做一些維護國家安全的工作，「呢件事對旅遊係只會有正面嘅影響」。 他認為，最好的解說方法就是告訴吸引旅客過來，「等佢哋自己來到之後，睇咗之後，返去再幫我哋去做一個宣傳， 呢個效果係更加有一個實際嘅效用。」

旅發局總幹事程鼎一則聲稱，旅發局全球的海外辦事處在 23 條法例推出之後，「頭兩個星期都有去睇過，究竟整個情況、報道等等，我哋發覺對我哋嘅影響幾乎係冇嘅」。

委員會主席葉劉淑儀亦和議說，除了一些政客及評論者「特登唱衰我哋，外國市民係不關心嘅， 對香港立《國安法》 真係唔係一個好大嘅政治議題」。 另一位商界議員林健鋒亦認同說，普羅大眾不是那麼關心 23 條立法，「亦都唔知道 23 條係乜」。

葉劉：長洲銀礦灣酒店非常舊

23 條立法上月通過後，澳洲政府隨即更新針對香港的旅遊建議，指香港的新法例即將生效，嚴格的國安法律可以被廣泛地解讀，旅客或會無意中犯法，並在未被起訴的情況下被拘留及限制見律師，建議旅客來港時保持高度謹慎。

葉劉淑儀在會議上亦向旅發局提出建議，香港有很多海島，應該推廣多一些香港的海島遊。但她指出，個別離島設施殘舊，「譬如長洲嘅酒店就好舊， 呢啲你哋都要諗下， 資點樣推動發展好啲，長洲嘅銀礦灣酒店係非常舊，但係疫情嘅時候都爆棚」。

根據銀礦灣渡假酒店官方網站，該酒店位於大嶼山梅窩銀礦灣，並非長洲。記者亦未能在長洲找獲「銀礦灣酒店」。