笑囡囡久別重逢賣口乖 熊黛林先斬後奏 心急呵番老公

·2 分鐘文章
Lynn最近回港放暑假,緊握難得的親子時光。
Lynn最近回港放暑假,緊握難得的親子時光。

名模熊黛林(Lynn)早前在內地埋首工作,最近才返港與2個囡囡久別重逢,大感窩心。她打算趁暑假訓練女兒獨立,又自爆9月會再離港工作,結果被老公詐型,要急急安撫對方!

寰亞電影參與投資的《1921》昨晚在會展舉行首映禮,Lynn、陳敏之及莊思明等現身捧場,現場衣香鬢影。電影自7月1日正式在內地上映後,至今票房錄得約3億人民幣(約3.6億港元),成績斐然。

剛從內地工作返港不久的Lynn,重提與2個女兒重逢的場面:「佢哋大叫媽咪,好似樹熊咁撲埋嚟!」笑言未知是否久別重逢,女兒目前很聽話:「依家見到我化妝整頭出去做嘢,會話媽咪好靚。佢哋最驚我接電話,因為知道我可能又要去街,然後就會爆喊。」

Lynn表示今次返港想逗留2個月,陪囡囡放暑假:「安排咗佢哋返暑期班,我特登聽老師講分開唔同班,等佢哋唔好太依賴對方。」又指老公從報道得悉她有意於9月再離港工作:「佢問我『真係㗎?』我惟有安慰佢到時可能已經通關,隔離唔會咁耐,可以成日返嚟!」

陳敏之莊思明「合作」擺烏龍

至於敏之與思明異口同聲表示希望透過電影,加深認識中國歷史。思明透露最近忙於拍攝劇集《廉政狙擊》,敏之則有份參演《廉政行動2022》。問到「打對台」,雙方監製有否下令不能「穿橋」?她們表示:「咁又冇,不過當初我哋都有啲亂,仲以為大家可以合作,點知原來搞錯!」敏之又預告稍後會有槍戰大場面,相當期待。

莊思明(左起)、敏之及于淼約埋睇首映。
莊思明(左起)、敏之及于淼約埋睇首映。



我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能