傳簽李澤楷經理人公司 「大馬女神」林宣妤獲力捧有望成為湯唯接班人

·2 分鐘文章
林宣妤
林宣妤

24歲嘅「大馬女神」林宣妤(Serene),2017年參選華姐獲得亞軍後加入無綫,曾經參演《她她她的少女時代》、《反黑路人甲》及《使徒行者3》,不過有指佢唔太適應香港生活而患上暴食症,上年5月約滿無綫後離開。林宣妤返回大馬後,繼續發展佢嘅演藝事業。最新有報道指今年Serene秘密返港,仲經楊紫瓊牽線下認識李澤楷,藉此成為李澤楷開設嘅經理人公司首位旗下藝人,更指有望打造佢成為湯唯嘅接班人。

報道指林宣妤話當年佢參加國際中華小姐時認識楊紫瓊,當楊紫瓊知道李澤楷想開經理人公司,就推介林宣妤同一啲馬來西亞演員俾佢。另外,Serene仲大讚楊紫瓊係一個好好嘅前輩,叮囑過佢要好好學做戲。

而家公司暫時只有佢一個藝人,李澤楷落本力捧,親自搵湯唯前經理人Maria出山擔任Serene嘅經理人。Maria喺接受傳媒訪問時指年輕一輩只有好少數可以走上國際舞台,而佢多年嚟有一個心願,就係好想有機會帶領同栽培一班新人,同時佢亦要求呢班新人有演戲嘅基礎同埋好鍾意演戲。Maria仲話李澤楷嘅理念同佢一樣,所以就促成今次嘅合作。

《反黑路人甲》劇照
《反黑路人甲》劇照
林宣妤
林宣妤
林宣妤
林宣妤
林宣妤
林宣妤
林宣妤
林宣妤
林宣妤
林宣妤
林宣妤
林宣妤

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!