紅館意外後首次宣傳 Stanley長期失眠 姜濤：唔夠膽諗

男團MIRROR自紅館事故後終於蒲頭，成員首度開腔就受傷的舞者李啟言（Mo）訴說感受，姜濤不夠膽多想，短時間難以消化事件，Stanley更眼泛淚光，自爆一直失眠！

MIRROR成員姜濤、Edan、Ian及Stanley昨日出席劇集《季前賽》記者會，即場進行籃球賽較量。談到「鏡仔」復工情緒，Edan坦言大家心情複雜，姜濤直認面對傳媒很緊張，Ian表示需要整頓思緒，Stanley說：「好難當冇事發生過。」問到可有發噩夢？姜濤坦言：「唔係短時間能消化到嘅事，我唔夠膽去諗，我想像唔到傷者阿Mo嘅心情，但冇辦法。」

Stanley眼紅紅說：「發生呢件事好難入睡，要慢慢平復情緒。」由於他亦是舞者出身，所以比較上心，指經公司的醫生顧問團隊評估後，他並沒有嚴重反應，情況屬於正常。提到Ian之前情緒未準備好推掉電影，他說：「8月接戲時就要決定，我對自己第一個作品比較緊張，需要揣摩角色投入拍戲，但嗰時我做唔到，冇理由要百幾人等我一個，咁會拖累進度。」他坦言需要時間沉澱。

Edan否認拍拖

姜濤早前與家人歐遊散心，被網民質疑做法不恰當，他無奈表示：「知道，我都考慮咗好耐，我好想離開呢個地方。」說到此時，他說不下去，Edan即為他解圍說：「外界對我哋嘅關注度好高，離港會容易啲平復思緒。」他們至今未到醫院探望阿Mo，Stanley表示很想探望對方，但因醫院限制探訪人數，覺得暫時不適合。對於外間不滿其公司至今都未有交代事故原因，Edan稱理解大家想法：「依家喺司法程序，唔可以講太多，公司一定會畀個答覆大家。」

提到MIRROR出團歌，「鏡粉」自行夾錢為偶像做宣傳，但Anson Kong粉絲拒夾錢，Edan表示不清楚，但不會因此事而內訌。他又否認與「文青女神」袁澧林拍拖同居：「嗰個係假，唔係嗰回事，我唔係喺佢屋企影相，我都聽過個傳聞，只不過係佢同我合作次數比較多，總之啲相背景唔係同一個地方，唔係佢屋企。」