素海霖公開新AV封面 網民：廣東話教師？題材唔錯

喺香港土生土長嘅KOL素海霖Erena（繪麗奈），今年4月進軍日本AV界，成為首位來自香港嘅AV女優而備受網民熱捧，首套作品更係上半年日本Amazon銷量亞軍，只係僅僅輸俾三上悠亞，風頭一時無兩。喺上月繪麗奈宣布第4套AV將於下月面世，仲話新作係「難度極高的題材 謝謝公司信任 繼續請大家多多指教！拍得一部得一部 」。去到今日，繪麗奈喺IG出PO表示「劇情片真的來了」，引起唔少網民留言支持。

喺今日，繪麗奈喺IG上載新作品封面並留言叫大家訂購：「劇情片真的來了( ^ω^ ) 今次公司還特意設中文字幕.. 希望大家可以繼續大大力支持我 これからもよろしくね 本次劇情 同同一學生做幾次，有日文亦有廣東話 敬請期待 お楽しみに 最尾的是在日收到的お土産」。封面中嘅繪麗奈着上白色超低胸背心，旁邊更是有「廣東話講師」，睇嚟今次嘅主題係廣東話補習，唔少網民都留言支持，例如「嘩，美得過份」、「支持！！！！！！！」、「廣東話補習 有feel」、「廣東話教師？題材唔錯」、「咁快又有新作品 好犀利」、「係唔係教啲架仔講廣東話啊？」、「萬眾期待」及「支持為港爭光」等等。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！