細細粒陳嘉佳拍片直認糾結 考慮變肥返：找回一開始所有人認識的我

陳嘉佳（細細粒）近年轉戰內地擔任「播主」帶貨闖出名堂，高峰時期曾一晚賺800萬；去年因健康響起警號而積極減肥至130斤，於社交平台大曬泳衣、吊帶衫及著婚紗嘅照片，但佢近日拍片指自己處於糾結狀態，直言考慮想變肥返。

細細粒於影片直言最近有個想肥返嘅諗法：「我想胖回去，胖回一百八斤左右。然後就是很多人說我瘦了很憔悴，但我覺得我瘦了以後很精靈啊，然後就有很多說還是覺得胖胖的我比較好看，可愛，比較有特色？」續指，減肥頭三個月感覺好痛苦，但過咗之後就唔痛苦。細細粒又指，減肥令佢改變飲食習慣，而家都唔會飲凍嘢，並對自己減肥成績感滿意，不過就糾結應該肥返定係再極端一啲，真係瘦到110斤：「去嘗試一下一百一斤的衣服，穿那種比基尼啊、露臍裝啊，去拍一套很好看的照片，那可能就是只有這個推動力吧。」

細細粒直言自己睇相都覺得肥嗰陣幾可愛：「自己看自己也覺得這個人很陌生，就覺得這個人好像永遠不會再回來的感覺。」 ，因此糾結要繼續挑戰自己定係搵返以前嘅佢：「找回一開始所有人認識，就那種又胖又傻大姐又可愛的我。」唔少網民除咗留言詢問細細粒減肥方法，更叫佢做自己，指健康最重要：「健康的你，不用為迎合大家而改變，尊重自己的想法」、「宜家岩岩好架啦，唔洗再加減」、「現在很健康就好啊！不要被影響」、「健康的你就好！比如現在這樣，只要感覺身身體是健康的，自在的，舒服的，就是最好的」、「為什麼聽別人的，體重實際上是只屬於你自己的，你提出健康這個概念的時候就對自己非常負責了」等等。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！