美麗戰場︳被姦戲成全城熱話 獨家訪問蔣家旻︰有人J係好事

尋晚播出嘅TVB劇《美麗戰場》，講到蔣家旻飾演嘅劇中奸角鍾家琪，設局令同父異母家姐鍾家寶（陳瀅飾）被威爺（李成昌飾）迷姦，結果反而中伏慘遭摧花。大台劇一有強暴戲，一定引來全城討論，「受害人」蔣家旻仲成為網上熱門搜尋人物。

上網搜尋女藝人個名，好多時聯想詞都會有個J字……明就明啦。就連蔣家旻日前接受YAHOO TV訪問時，都知道有件咁嘅事，仲認為係幾好嘅事。「但係我唔係幾接受到……我覺得你地去討論冇問題，唔好俾我睇到！」蔣家旻仲話有人send條片俾佢，「原來係討論身材……」，嚇到小編彈起。

入行十五年，由《天與地》到《美麗戰場》，蔣家旻可以話係TVB「御用『少女版』」。《天與地》演「少女版」阿佘、《巾幗梟雄》演「少女版」鄧萃雯、《誰家灶頭無煙火》演「少女版」田蕊妮，連羅蘭姐嘅少女版都做埋。未算劇接劇，但都總算係有一定曝光度，蔣家旻自言曾經一有劇出就search自己個名，睇吓觀眾評語，再睇埋同期邊個跑出，後來直情要戒睇娛樂新聞，費事咩都比較一餐。

「姦」以外，「奸」都係人氣密碼，蔣家旻喺《美麗戰場》出街後得到「入行以來最大迴響」。佢好明白有noise都唔夠有錢落袋緊要，更明白而家市道艱難，有noise都未必轉化到成為實際收入，所以明言想搵多啲！高層們，聽到未？

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！