羽田機場撞機︳林日曦北海道飛羽田航班取消 機場見盡日本人高質一面︰人多但有序

日本東京羽田機場尋日發生撞機事故，事發後，羽田機場一度封閉跑道，現時已局部重開，但多班日本國內航線今日需要取消。

近年定居日本北海道嘅網媒100毛前「腦細」林日曦，原來都受事故影響。佢原本今早北海道飛往東京，撞正係喺羽田抵埗，佢嘅航班被取消。

「腦細」今朝發文提到喺北海道機場嘅見聞，佢話「大量乘客擠在機場找辦法轉乘／ 當然沒有人爆炸、也沒有人Lur地 ／ 地勤職員超有耐心幫忙逐一處理 ／ 人多但有序」，盡見日本人高質一面。

本來林日曦想以其他方法去東京，「想改買同日其他班次已滿席了／ 想改去其他東京鄰近城市轉乘也滿席了 ／ 再想改乘新幹線也滿席了（除非企4、5個鐘）／ 差點想揸車揸16小時去……」，但最後佢都選擇放棄，「就當去機場吃個早餐然後返屋企吧」。

林日曦早前參加日本嘅「反枱大賽」而上電視，有網友就講笑叫佢同航空公司「反枱」；亦有人提議「腦細」可以坐船由北海道去東京。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！