胎毛筆下的母女情 製筆師承襲母親技藝 傳遞父母關愛

Yahoo新聞
更新日期：
Irene認為，胎毛筆可以傳遞父母的關愛，「數唔清嘅頭髮，就係數唔清嘅愛」，去年其母病逝，胎毛筆亦成為陪伴她思念母親的紀念品。
Irene認為，胎毛筆可以傳遞父母的關愛，「數唔清嘅頭髮，就係數唔清嘅愛」，去年其母病逝，胎毛筆亦成為陪伴她思念母親的紀念品。

【Yahoo 新聞報道】胎毛筆以往是身份象徵、又或光宗耀祖的期盼，在製筆師 Irene 眼中則代表著父母的關愛，「數唔清嘅頭髮，就係數唔清嘅愛」。胎毛是新生兒未經修剪的頭髮，養分來自母親，此後再生長的頭髮就靠孩子自己吸收營養。正如 Irene 繼承母親製筆技術，去年母親病逝，就要靠自己撐起一片天。

攝影記者：Davies

一支胎毛筆由數百元至數千元不等，視乎材質而定，最多人選雞翅木，木紋清晰，每支紋理獨一無二。Irene的母親徐媽媽生前熱愛詩詞歌賦，想到以新生兒的名字，創作成對聯，刻在一對胎毛筆上。客人要求的對聯，亦不外乎健康或平安等含意，「冇話要小朋友孝順，要名成利就」，Irene指媽媽待她亦如是，「佢畀好大寬容度我哋，唔需要讀書好叻，但唔好操行零分咁就得，健健康康就得」。

胎毛是指天然未經修剪的頭髮，髮尾尖細，稱為「毛鋒」，可做出幼細的筆鋒。
胎毛是指天然未經修剪的頭髮，髮尾尖細，稱為「毛鋒」，可做出幼細的筆鋒。
小朋友剪下的頭髮，會根據頭髮位置，分為不同部份，如「龍」是指前額頭髮。
小朋友剪下的頭髮，會根據頭髮位置，分為不同部份，如「龍」是指前額頭髮。
胎毛筆的筆杆有不同材質選擇，當中以雞翅木及紫檀木最受歡迎。
胎毛筆的筆杆有不同材質選擇，當中以雞翅木及紫檀木最受歡迎。
雞翅木有明顯木紋，每支紋理不一，獨一無二的特色，成為不少家長至愛。
雞翅木有明顯木紋，每支紋理不一，獨一無二的特色，成為不少家長至愛。
金絲楠木是較昂貴的選擇，細看木身帶有金絲，古時是皇室專用。
金絲楠木是較昂貴的選擇，細看木身帶有金絲，古時是皇室專用。
擺放胎毛筆的筆盒，亦有多款選擇。
擺放胎毛筆的筆盒，亦有多款選擇。

兒時胎毛筆珍而重視 「我見親都喊」

Irene也有徐媽媽為她親自操刀的胎毛筆。徐媽媽過世後，她珍而重之收藏，不輕易取出，「我見親都喊，其實我而家都有少少後悔，點解唔用媽媽嘅頭髮一齊做支筆」。她是長女，還有兩個妹妹，「媽咪從來冇話家姐要讓細妹，妹妹有嘅，家姐都會有，對我哋三姊妹一視同仁，佢真係冇嘢唔好㗎，我媽係我最好嘅朋友」。

徐媽媽對子女的愛護，亦引伸至胎毛筆上。古時胎毛筆是皇室貴族專屬，其後流傳至民間，又稱作狀元筆，成為一種祝福及期盼。「去到媽媽嗰代，唔想變成迷信或風水物件，唔想變成一件讀書好叻、名成利就嘅商品，可能咁樣會有多啲客，但我哋唔想」。Irene傳承母親的想法，認為胎毛筆是傳遞父母對子女的關愛，「因為胎毛筆唔係必需品，其實係奢侈品，係幸福寶寶先有嘅禮物」。

臍帶印章是新生兒禮物的另一選擇，由木雕師傅人手雕刻。
臍帶印章是新生兒禮物的另一選擇，由木雕師傅人手雕刻。
有客人會訂製胎毛筆作飾品。
有客人會訂製胎毛筆作飾品。

傳統上製筆技藝傳女不傳男

Irene的製筆工藝繼承自母親，徐媽媽則從丈夫家族習得技術。傳統上，胎毛筆製筆師傳女不傳男，他們卻傳子也傳媳，工藝得以流傳。作為第六代傳人的Irene說，若有心人想習藝，亦願意傳授他人，「因為冇人學，呢樣嘢就會冇咗」。

她憶述，2008年母親中風，自己返店舖幫忙，初期遇到不少客人留難，「吓？你剪呀？我係搵大師傅，唔係你喎」。Irene一邊學習祖傳手藝，一邊自我增值，「我真係走去報名去學剪頭髮，剪胎毛做筆之餘，我就諗不如順便幫BB剪吓一啲髮型啦」。

近年徐媽媽身體轉差，已甚少返店舖坐鎮，由Irene兩姊妹主理。今年本是店舖開業25周年，徐媽媽卻等不及便離世。「我好羨慕啲人，可以將祖業發揚光大」，打開instagram，Irene發現胎毛筆在日本非常盛行，遠超香港，「其實我有啲唔開心，係香港家長唔用呢個平台，定係我哋做得未夠吸引力呢」。Irene的太祖母是清朝宮廷製筆師，由清朝傳承至今，但她堅持不以此作賣點，「如果我下下都以我上一代做得幾輝煌嚟游說你，但我呢一代做唔出咩成績，咁又點呢？」

Irene在店內加入不少現代元素，布置溫馨舒服，但製作胎毛筆的工序則跟隨傳統，一絲不苟。
Irene在店內加入不少現代元素，布置溫馨舒服，但製作胎毛筆的工序則跟隨傳統，一絲不苟。
製作胎毛筆的工具。
製作胎毛筆的工具。
每支胎毛筆都會刻上小朋友的名字及出生日期。
每支胎毛筆都會刻上小朋友的名字及出生日期。

媽媽創「啟蒙開竅禮」

投身家業14年，Irene已為上萬個小朋友製作胎毛筆，當中包括涂太。長子4年前由Irene製作胎毛筆，今年到3個月大的幼子，同時亦為長子舉行「啟蒙開竅禮」。傳統胎毛筆的「售後服務」包括在小朋友6歲時用胎毛筆舉行「開筆禮」，徐媽媽則深信三歲定八十，增設啟蒙開竅禮，小朋友約3歲就可返店內舉行，由製筆師輕掃眼眉、咀、耳、鼻，再說一些祝福語句。

涂太認為，胎毛筆富有意義，來自小朋友身上脫落的第一把頭髮，「頭髮一出世就有，就咁剪咗佢嘥咗啲喎」，便決定製成既實用﹑又有紀念價值的胎毛筆。她笑言，若兒子長大後，對胎毛筆不感興趣，「咁畀我留念囉」。

涂太為兩個小孩做胎毛筆，長子今年4歲，帶著自己的胎毛筆返店進行「啟蒙開竅禮」，3個月大的次子則剃髮製筆。
涂太為兩個小孩做胎毛筆，長子今年4歲，帶著自己的胎毛筆返店進行「啟蒙開竅禮」，3個月大的次子則剃髮製筆。
「啟蒙開竅禮」由徐媽媽創立，Irene會用胎毛筆輕掃小朋友的眼眉、咀、耳及鼻，喻意快快開竅。
「啟蒙開竅禮」由徐媽媽創立，Irene會用胎毛筆輕掃小朋友的眼眉、咀、耳及鼻，喻意快快開竅。
3個月大的小朋友完成剃髮，過程不哭不鬧，眼仔碌碌的看著四周。
3個月大的小朋友完成剃髮，過程不哭不鬧，眼仔碌碌的看著四周。
Irene為小朋友剃髮時，會先詢問小朋友的狀況，譬如頭部有否傷口等，亦會說些祝福語，人人不同。
Irene為小朋友剃髮時，會先詢問小朋友的狀況，譬如頭部有否傷口等，亦會說些祝福語，人人不同。

【胎毛筆製作步驟】

1. 剪下來的胎毛，會先浸泡石灰水脫去油脂，再用駱駝骨仔細梳理。
1. 剪下來的胎毛，會先浸泡石灰水脫去油脂，再用駱駝骨仔細梳理。
2. 用「斜口挑毛刀」將胎毛排齊成毛鋒。
2. 用「斜口挑毛刀」將胎毛排齊成毛鋒。
3. 根據客人需要，修剪成適合長度，製作成大、中、小楷的毛筆。
3. 根據客人需要，修剪成適合長度，製作成大、中、小楷的毛筆。
4. 綁好毛頭後連接筆杆。
4. 綁好毛頭後連接筆杆。

愛思胎毛筆 Instagram