胡美貽接棒《3日2夜》 狂晒泳衣照騷逼爆身材
由兩位靚女劉穎鏇(Tiffany)及江嘉敏主持的《3日2夜》土耳其篇廣受觀眾好評,不過啱啱星期六已經告一段落,但大家唔使咁傷心,拍《3日2夜》的靚女源源不絕,今次就有身材索爆的胡美貽(Nicole)!據知呢位2017年落選港姐將與陳婉衡同遊峇里島,近日頻頻喺IG晒泳衣照,令人期待!
撰文:東方新地|圖片:新傳媒、Instagram、節目截圖
延伸閱讀:
《3日2夜》劉穎鏇 江嘉敏迷倒觀眾
最近一輯《3日2夜》由劉穎鏇(Tiffany)及江嘉敏帶大家遊歷土耳其伊斯坦堡,節目中大家除了欣賞土耳其的特色景點之外,當然少不了留意兩位女神的互動!Tiffany與江嘉敏在鏡頭前可愛真摯不造作,猶如兩位好姊妹開心去旅行,成功攻陷一班觀眾!
無浸溫泉一樣有睇頭
雖然冇以往大家最期待的浸溫泉環節,但Tiffany同江嘉敏去了享受土耳其浴,齊騷身材非常吸睛。靚女浸浴喎,一定好好睇啦!
胡美貽接棒《3日2夜》 狂晒泳衣照騷逼爆身材
土耳其篇已經告一段落,不過大家都知道《3日2夜》專捧紅靚女,嚟緊將會由2017年落選港姐胡美貽(Nicole)接棒!胡美貽參選時憑甜美樣子及驕人身材備受關注,可惜最後未能進入決賽,不過就同唔少落選港姐一樣,好快加入大台,現時發展不俗!
波濤洶湧的日常
靚女又有天賦好身材,胡美貽好多時簡單著件剩色衫已經好有「波濤洶湧」效果,呢個角度的自拍照相信佢都係駕輕就熟,張張都好有睇頭!
曾任《兄弟大茶飯》女助手
早前TVB《兄弟大茶飯》搵來曹永廉與蕭正楠做主持,雖然二人拍劇比較多,但做主持一樣難唔到佢哋,今次呢兩個男人為照顧一眾長期拍攝外景的藝人及劇組台前幕後的工作人員,一於走入廚房為大家親自下廚,用食物慰勞大家!
今次呢個節目就以二人咩餸菜都要親自煮,以誠意慰勞一眾勞苦功高的台前幕後工作人員為節目賣點。除此以外,每次二人都會以開檔形式,招呼嚟「幫襯」嘅同事。
當然,成個節目如果得曹永廉同蕭正楠兩個人做主持未免有啲單調,有見及此,節目組安排佢兩個揀兩位公司女藝員做助手,就係胡美貽及華姐冠軍余思霆一齊幫吓手,騷吓腿咁啦!
2017年落選港姐
1994出世的胡美貽今年24歲,可能大家未必好熟佢,其實佢係2017年度香港小姐競選決賽入圍佳麗,當時胡美貽就有「翻版朱千雪」之稱…… 雖然小編就覺得唔係好似。
出眾身材受注目
上屆香港小姐飛住台北為港姐拍攝外景,胡美貽當時曾因出眾身材,而獲得唔少網民一致好評!
而且,於台北溫泉拍外景時,胡美貽就咁啱與上屆冠軍雷莊𠒇一齊合照,兩個人拍埋一齊企,明顯胡美貽嘅身材絕對唔會比雷莊𠒇輸蝕!
大熱最終落選
雖然當時胡美貽憑「翻版朱千雪」之稱,而成功成為大熱,加上唔少人都覺得無論外貌定身材,胡美貽都可以入圍三甲,可惜最後佢十強止步。
延伸閱讀: