胡鴻鈞奪陳嘉慧「第一次」 讚表現好

·1 分鐘文章
胡鴻鈞笑言希望令陳嘉慧留下美好回憶!
胡鴻鈞笑言希望令陳嘉慧留下美好回憶!

無綫新短篇愛情喜劇《愛上我的衰神》昨日進行拜神儀式,主演胡鴻鈞(Hubert)、陳嘉慧(Erica)、馬貫東等眾演員出席,無綫高層杜之克亦有現身撐場。講到Hubert奪去Erica第一次做女主角兼其螢幕初吻,他笑說好榮幸,希望對方能留下美好回憶!問到會否有床戲?他踢爆最想同Erica有床戲的是監製:「每次見到我都係問我佢表現得好唔好,的確以佢第一次做女主角嚟講,我係喜出望外,因為佢唔怯場、準備又充足,做到角色嘅性格。」Erica聽到對方讚賞即刻話好感動:「首次咁重戲份好緊張。(有傳你被無綫力捧?)希望公司畀多啲機會我!」

馬貫東為角色漂染一頭新髮色,但慘爆表示漂到頭髮好脆弱:「一拉就斷,梳頭又會狂甩髮,但髮型師話唔會影響髮根。」又語帶雙關笑說:「男人條『根』好重要(o架)嘛!」