自資出歌 夠晒滿足感 謝安琪簽老公做司機

出道16年的天后謝安琪自資成立唱片公司出歌，規模雖小，需要身兼多職，但換來超級大的滿足感，她無意將張繼聰收歸旗下，因為老公另有任務。

謝安琪（Kay）年初盛傳與不和的麥浚龍約滿後，回復自由身即自資成立唱片公司「淺白本部」，出自她喜歡的詩句「淺白開自好」，意思是「按照自己的節奏，也是一種自然美好的意向」。由於團隊人數比較少，凡事都要親力親為，她說：「工作量都唔少，但我好享受依家嘅工作模式，投資數字唔係重點，反而投入嘅心機同時間為我帶來好多滿足感。（會唔會簽老公張繼聰嚟力捧？）我已經簽咗佢做我嘅御用柴可夫。」

與老友分享音樂

她的全新主打《離不開》，由她一手包辦曲詞編監，MV拍攝亦全程由她主導，她透露製作過程中，經常在錄音室碰到周國賢和其他初出道時認識的老朋友，而老公也有好幾次陪她通宵在錄音室工作，她說：「大家咁樣撞見，令我諗番起啱啱入行時，我哋喺度說天說地談音樂，諗唔到咁多年後，我哋最快樂嘅，依然係咁樣玩音樂同分享音樂。」

周國賢亂入爆料

前晚Kay進行網上直播跟粉絲交流，期間周國賢「亂入」並提起久未露面的歌手方大同，周國賢突然反問：「我最近聽唔知邊個講話佢拍緊拖，我想求證！」Kay聞言即抱頭大叫：「喂呀！」但周國賢繼續問：「係真o架？真係有呀？」搞到她口窒窒：「我唔知呀，我唔知呀！」非常爆笑。